________________ 50 ] सूक्ष्मार्थविचारसारप्रकरणे ठिई पइ असंखगुण"त्ति आउयठिईएँ एगअणुभागठाणस्स बीयं असंखगुणं, न उण विसेसाहियं / एवं सव्वाण विसेसाहियाई // 11 // संपयं अणुभागठाणपरिमाणनिमित्तं इयं गाहा समयभवसुहुमअगणी असंखलोगा तओ असंखगुणा / तेऊ तकायठिई कमसो अणुभागठाणा य // 119 // एसा पुव्वं चेव चउत्थपोग्गलवक्खाणसमए वक्खाणिय त्ति न पुणों वक्खाणिज्जइ / / 116 // इयाणि जीवो मिच्छत्ताइकारणेहिं केरिसं दलियं कम्मत्ताए परिणामेइ तं भन्नइ अंतिमचउफासदुगंधपंचवण्णरसकम्मइगखंधे / अभवियअणंतगुणिए गेण्हइ तत्तियअणू समए // 120 // एक्कं दव्यं अणंतपएसियं अणंतपरमाणूणं संघाओ कियत्परिमाण इति चेत ?, अभवसिद्धिएहिं अणंतगुणा, सिद्धाण अणंतिमो भागो, एत्तियाणं परमाणूणं समुदाओ एगो खंधो / अंतिमफासा चत्तारि, अट्ठन्हें फासाणं अंतिल्ला णिद्धलुक्खसीयउसिणा, दो गंधा, पंच वन्ना रसा य, जेसु कम्मइगखंधेसु अंतिमचउफासदुगंधपंचवन्नरसकम्मइगखंधा ते य संखाए अभव्वसिद्धिएहिं अणंतगुणा सिद्धाणमणंतभागमेत्ता खंधा एगसमएणं गहणकम्मत्ताए इति / एवं अणुभागबंधज्झवसाणठाणेहिंतो कम्मपएसा अणंतगुणा ||120 / / एएसु कम्मखंधेसु पइपएसं जीवो रसाणू कियंतो निव्वत्तेइ त्ति दंसेइगहणसमए य जीवो नियपरिणामेण जणयइ रसाणू / सव्वजियाणंतगुणे कम्मपएसेसु सव्वेसु // 12 // कम्मपुग्गलेहिंतो अविभागपलिच्छेया अणंतगुणिया / कहं ? भन्नइ-जहा अद्दहणविसेसाओ सित्थेसु रसविसेसो दिट्ठो, तहा अज्झवसाणविसेसाओ कम्मखंधेसु रसविसेसो हवइ / अज्झवसाणाई अद्दहणतुल्लाई, तंदुलथाणीया कम्पएसा, जो एगम्मि सित्थे रसो सो विभज्जमाणो विभजमाणो भागं न देइ , सो अविभागपलिच्छेओ वुच्चइ / एवं कम्मखंधेसु जो अणुभागरसो सो केवलनाणेणं विभज्जमाणो 2, भागं न देइत्ति सो अविभागपलिच्छेओ वुच्चइ / तारिसा अविभागपलिच्छेया एक्केक्कम्मि कम्मपएसम्मि सव्वजीवाणंतगुणा लब्भंति / अओ भन्नइ-गहणसमए-कम्मखंधगहणसमए जीवो नियपरिणामेण सव्वाणं जीवाणं अणतगुणारसाणू जणयइ-उप्पाएइत्ति सव्वेसु वि कम्मपएसेसु-कम्मपुग्गलेसु, तेण कम्मपएसेहितो अविभागपलिच्छेया अणंतगुणा / / 121 / /
