________________ 36 / सूक्ष्मार्थविचारसारप्रकरणे तिब्बो अमयरसोवमो होइ / तह ‘मंदो'त्ति जहन्नअणुभागो सव्वपयडीणं सुभासुभाणं विवज्जएण विवरीयत्तणेण भवइ / तहाहि-अंसुभपगईणं विसोहीए मंदो, सुभपगईणं संकिलेसेण मंदरसो।।८९|| इयाणिं जाओ पयडीओ जेत्तियरसविसेससमन्नियाओ ताओ दंसेइ सतरस पयडी संजलण 4 विग्ध 5 पुदेसधाइआवरणा७ / चउठाणरसपरिणया दुतिचउठाणा उ सेसाओ // 9 // सत्तरसपयडीओ संजलणचउक्कं अंतरायपणगं पुरिसवेयं केवलनाणवज्जा चत्तारि नाणावरणा केवलदसणावरणवज्जा तिनि दंसणावरणरूवाओ चउठाणरसपरिणयाओ नायव्वा / तत्थ चत्तारि ठाणाणि एगट्ठाणदुट्ठाणाईणि वक्खमाणाणि जस्स सो चउठाणो रसो, तेंण एगाइमेयभिन्नेण चउट्ठाणेण परिणयाओ। एगट्ठाणिओ वा दुट्ठाणिओ वा तिट्ठाणिओ वा चउट्ठाणिओ वा / कहं सत्तरस संखा एव चउट्ठाणिओ, न सेसाणं ? भन्नड,-अनियट्टिअइक्वते बंधो एयाण सुहमरागे य / अन्नेसिं न असुभाणं तेणिगठाणाणि सत्तरस, सेसाओ पुण पयडीओ बायालीसं पुन्नपगईओ, पणसट्ठी पावपगईओ य दुतिचउठाणाओ-दुइज्जतिइज्जचउत्थरसठाणपरिणयाओ होति / / 90 // इयाणि जारिसेहिं कसाएहिं एगठाणाइया रसविसेसा निष्फज्जंति तं भन्नइपव्वयभूमी वालुयजलरेहासरिस संपराएहिं / चउठाणाई असुहाण वच्चयाओ सुहाणं तु // 11 // असुभपयडीणं चउट्ठाणाइया रसविसेसा होति / एएहिं संपराएहिं जहा पव्वयरेहासरिसकोहेणं चउठाणिओ रसो बज्झइ / भूमीरेहासरिसेण तिहाणिओ, वालुयरेहासरिसेण दुट्ठाणि ओ रसो बन्झइ / जलरेहासरिसकोहेण य एगठाणिओ / सेसाणं माणमायालोभाणं उवलक्षणं दट्ठव्वं / तहा थंभ-सिमूल-किमरागसरिसेहिं जहासंखं माण-माया-लोमेहिं चउठाणिओ, अट्ठिमिठसिंग-कद्दमरायसरिसेहिं तिढाणाइओ, कट्ठ-गोमुत्तिया-खंजणरायसन्निभेहिं दुट्टाणियो, तिणसलय-अवालहिय-हलिद्दरागसन्निभेहिं एगट्ठाणिओ असुभाणं रसो वज्झइ / सुभाणं-पुन्नपगईणं "वचयाउ"त्ति विवज्जएण अणुभागो होइ जलरेहासरिसेण चउट्ठाणिओ, वालुयरेहासरिसेण तिहाणिओ, भूमिरेहासरिसेण दुट्ठाणिणो, पव्वयरेहा सरिसेण एगट्ठाणिओ / एवं माणमायालोमेहिं पुव्वुत्तं विवरीयं भणियव्वं // 1 // इयाणिं एगठाणाईणं रसाणं दिट्टेण सरूवं सुभासुभपयडीसु दंसेइ घोसाडइनिंबुवमो असुहाण सुहाण खीरखंडुवमो / एगट्ठाणो उ रसो अणंतगुणिया कमेणियरे // 12 //