________________ सूक्ष्मार्थविचारसारप्रकरणे इयाणि पदमं ताव कम्मं परूवेइ-- कीरइ जिएण हेऊहि पयइठिइरसपएसओ जंतं। मूलुत्तरुट्ट अडवनसयपभेयं भवे कम्मं // 2 // करीइ-निष्फाइज्जइ, जीवेण-संसारिणा 'हेऊहि' त्ति मिच्छत्त५-अविरइ१२-कसाय२५-जोगे१५हिं बंधहेऊहिं चउहि कम्मं बज्झइ / तं च कम्मवग्गणाहिं कज्जलसमुग्गउव्व निचिओ लोगो ते य कम्मत्ताए जीवेण गहिया कम्मति वुच्चंति / जओ वुत्तं"जीवझवसायाओ कम्मत्ता पोग्गला परिणमंति / पुग्गलकम्मनिमित्तं जीवो वि तहेव परिणमइ // " ___ तं च चउविहं, पगइबंधोठिइबंधो अणुभागवंधो पएसबंधो / तत्थ आईए पगइबंधो उद्दिट्ठो। . तं पुण दुविहं, मूलपगइविसयं उत्तरपगइविसयं च / मूलपगइविसयं अट्ठविहं / उत्तरपगइविसयं अडवनसयपमेयं // 2 // मूलपगईणं नामाणि एक्केकाए मूलपयडीए उत्तरपयडिसंखं च दंसेइदंसण 1 नाणारे वरणंतराय 3 मोहा 4 उ 5 गोय वेयणियं / नामंच नव' पण पण 3 ऽट्टवीस 4 चउ 5 टु दुः"बियालविहं // 3 // दंसणाइपयाणं नवाइसंखाए सह जहसंखं संबंधो कायव्यो / तं जहा-दसणावरणं नवविहं 1, नाणावरणं पंचविहं 2, अंतराइयं पंचविहं 3, मोहणीयं अट्ठावीसविहं 4, आउयं चउविहं 5, गोयं दुविहं 6, वेयणियं दुविहं 7, नामं वायालीसविहं 8 // 3 // सव्वासिं मूलपयडीणं उत्तरपयडिनामाणि दंसेइ नयणेयरोहिकेवलदंसणआवरणयं भवइ. चउहा / निद्दापयलाहि छहा निदाइदुरुत्तथीणद्धी // 4 // नयणं ति चक्खुदंसणं, इयरं ति अचक्खुदंसणं, तं पुण चत्तारि इंदियाई चक्खुवज्जाई, मणो य, आवरणसद्दो पत्तेयं संबज्झइ, तओ चक्खुदंसणावरणं 1, अचक्खुदंसणावरणं 2, ओहिदंसणावरणं 3, केवलदसणावरणं 4, निद्दा 5, पयला 6, निदाइदुरुत्तति, निहानिद्दा 7, आइसद्दाओ पयलापयला 8, थीणद्धि ह, ति // 4 // नाणावरणं मइसुयओहिमणोनाणकेवलावरणं / . विग्धं दाणे लाभे भोगुवभोगेसु विरिए य // 5 // .
