________________ 2 अङ्कः] . कर्णसुन्दरी। (इति संस्कृतमाश्रित्य / ) यत्तारारमणोऽपि नि:तिपदं नास्याश्चलच्चक्षुषो यद्गात्रं शतपत्रपत्रशयनेऽप्युत्फालमुद्देल्लति / शीतं यच्च कुचस्थलीमलयजं धूलीकदम्बायते __ किं वान्यत्तदनङ्गमङ्गलमयी भङ्गी कुरङ्गीदृशः // 1 // (इत्युक्त्वापसरति / ) विदषकः-(सपरितोषम् / ) भोदि, सणिओअं असुण्णं करेसु / अहं पि पिअवअस्सं वडावेमि / (क) (इति निष्क्रान्तौ / ) प्रवेशकः / (ततः प्रविशति सोत्कण्ठो राजा विदूषकश्च / ) राजाधूमश्यामलितेव तापनवशाच्चामीकरस्य च्छवि चन्द्रो मुक्त इव श्रिया किसलया निर्धीतरागा इव / निःसारेव धनुर्लता रतिपतेः सुप्तेव विश्वप्रभा . तस्याः किं च पुरो विभान्ति कदलीस्तम्भाः सदम्मा इव // 2 // अपि च / मुग्धाक्ष्याः कति नेन्दवः समुदिता वक्रे स्फुरत्कान्तयो विश्रान्तिः कियतां न लोचनयुगे नीलाम्बुजानां श्रियः / निष्पन्नः कियता न विद्रुमरुचां सारेण बिम्बाधरः पीताश्चारुभिरङ्गकैश्च कति न स्निग्धा मधूकत्विषः // 3 // (अनुसंधाय / ) स्फुरल्लीलामालं किमपि रसयोगान्मृगदृशः क्षणं दीर्घापाङ्गप्रणयि यदभून्नेत्रयुगलम् / अहो हृजन्मान्तः स्फुरति बत मे शल्यमिव त द्यदावेगे मोहः परमयमविश्रामविषयः // 4 // (क) भवति, स्वनियोगमशून्यं कुरु / अहमपि प्रियवयस्य वर्धयामि / - 4
