________________ काव्यमाला। पश्यत पश्यत लोकाः कलिकालः कीदृशः प्रवृत्तोऽयम् / स्निग्धाः सुहृदः सधनाः स्त्रीवधपापं भजन्ते यत् // 37 // को वेत्ति गुणविभागं हस्तेन परीक्ष्यते कथं जातिः / दुज्ञेयं कुटिलानां चेष्टितमन्यद्वचश्चान्यत् // 38 // इत्युक्त्वा गृहपरिजनकलकलहोदग्रदुःसहविकारा / कङ्काली राजपथे चुक्रोश गतागतस्तारम् // 39 // तद्गीत्यैव विटास्ते सपदि विवर्णा निरुत्तरप्रतिभाः। / निर्गत्योत्पथविवरैर्दूरतरे संगमं चक्रः // 40 // अथ ते विचार्य सुचिरं भोगभ्रष्टाः समापतितकष्टाः / मिथ्यापवादनष्टा विफलक्लिष्टा मिथो जग्मुः // 41 // जाताक्षपटलदोषैरिव नास्माभिव्रजन्वणिग्दृष्टः / कङ्काल्यैव हृतोऽसावित्यक्दनिर्गुटस्तत्र // 42 // राशिं निगृह्य वणिजं पश्यत भूर्जेन निग्रहोऽस्माकम् / कुट्टन्यैव कृतोऽयं......."शोचन्नब्रवीद्दिविरः // 43 // विहिताङ्गहारयुक्तिः कुट्टन्या पूर्वरङ्गयोग्योऽयम् / अस्मवृत्तं वृत्तं किमन्यदिति नाव्यवित्प्राह // 44 // कपटतुलां कङ्कालीमङ्कशताङ्कामहं वेद्मि / विहितस्तया भ्रमोऽसावित्याह तुलाधरः कोपात् // 45 // आकृप्य मेषभोगाइरतरं मित्रमण्डलं वणिजः / कालकलयेव नीतं कङ्काल्या गणक इत्यूचे // 46 // पेया मद्यसमृद्धिस्तयैव सा कृतचिकित्सायाम् / . लङ्घनमिदमुपदिष्टं तापादित्यब्रवीद्वैद्यः / / 47 // नवसुखचरितं नष्टं कष्टं विभ्रष्टनियमवृत्तानाम् / अस्माकमेतदनुपमगित्याह कविः श्वसन्विरसः // 48 // इति दुःखको रविस्मयलज्जाकुलिताः कथां मिथः कृत्वा / कुसुमारामभ्रष्टा इव मधुपास्ते विटाः प्रययुः // 49 //