Page Text
________________ सहस्रशीलाङ्गरथवहनशक्तो मुनिव्रतस्थापनार्ह : देशकालाऽनवच्छिन्नमेरूपममहाव्रतारोपणयोग्यः स्याद् भवेदिति / / 88 / / योग्यतामेवाह - अधिगतशस्त्रपरिज्ञासूत्रार्थोऽनुक्तवर्जको योग्यः / षट्कं स त्रिविशुद्धं नवभिर्भेदैः परिहरेच्च / / 89 / / टीका - अधिगतशस्त्रपरिज्ञासूत्रार्थः पठिताऽऽचाराङ्गसूत्रप्रथमाऽध्ययन: साम्प्रतमधीतदशवैकालिकसूत्रषज्जीवनिकायाऽध्ययन: सूत्रार्थतदुभयतः, अत एव अनुक्तवर्जकः अनुक्तस्य प्रतिषिद्धस्य वर्जकः परिहर्ता योग्यः कल्प्यो भवति। तथा षट्कं पृथिव्यादिषट्कं त्रिविशुद्धं मन:प्रभृतिभिर्विशुद्धं रागद्वेषमोहवर्जितं वा नवभि: मनोवाक्कायकरणकारणानुमतिलक्षणैः कृतकारितानुमतिभेदभिन्नहननपचनक्रयणरूपैर्वा भेदैः प्रकारैः यः परिहरेत् वर्जयेत् स महाव्रतारोपणयोग्यो भवति। चशब्दात् प्रियधर्मत्वाऽवद्यभीरुत्वसमन्वित इति भावः / / 89 / / अथ महाव्रताऽऽरोपकाऽऽचार्यादिविषयमाह - अप्राप्तेऽर्थमकथयन्ननभिगतार्थेऽपरीक्षिते यस्तु / स्थापयति व्रतभारं प्राप्नोत्याज्ञाविरोधमसौ / / 10 / / . ___टीका - यो गुरु: तुशब्दो विशेषद्योतने अप्राप्ते कालपर्यायेण सूत्रार्थं कथयति, पर्यायेण प्राप्तेऽपि यः अर्थ सूत्रार्थं षज्जीवनिकायलक्षणम् अकथयन् अनवबोधयन्, कथयित्वाऽपि अनभिगतार्थे सम्यगनवधारितार्थे, सम्यगवधारितार्थेऽपि अपरीक्षिते च सूत्रविधिना शैक्षे य: स्थापयति निवेशयति व्रतभारं मुनिव्रतानां दुरुह्यत्वेन गुरुत्वाद् मेरूपमं भारं तदा असौ आचार्यादिः प्राप्नोति आपद्यते आज्ञाविरोधं जिनाज्ञोल्लङ्घनलक्षणं दोषम् उपलक्षणात् मिथ्यात्वानवस्थादिदोषान्। तस्मात् पर्यायेण प्राप्ते, कथितार्थे, अभिगतार्थे परीक्षिते च शैक्षे महाव्रतानि निवेशयेदिति / / 90 ।।अथोपस्थापनाया: कालपर्यायमाह - शैक्षस्य भुवस्तिस्रः सप्ताहोरात्रका जघन्याऽत्र / षण्मासिक्युत्कृष्टा मध्यमिका स्याच्चतुर्मासा / / 91 / / टीका - शैक्षस्य ग्रहणाऽऽसेवनशिक्षार्हस्य शिष्यस्य भुव: कालावधय उपस्थापनाया: तिस्रः संख्यया अत्र मौनीन्द्रप्रवचने, तद्यथा - जघन्या निकृष्टा, उत्कृष्टा ज्येष्ठा, मध्यमिका चाजघन्योत्कृष्टा क्रमशः स्याद् भवेत् सप्ताहोरात्रका रात्रिन्दिनसप्तकप्रमाणा, षण्मासिकी मासषट्कमाना चतुर्मासी मासचतुष्टयावधिकेति / / 91 / / का कस्येत्येतदाह - करणजयाय पुराणे प्रथमा दुर्मेधसं प्रतीत्यान्या / अनधिगमादिविशेषे शिष्टाभिज्ञे पुराणेऽपि / / 12 / / टीका - करणजयाय इन्द्रियनोइन्द्रियपरिजयार्थं पुराणे पश्चात्कृतश्रमणभावे पुन: क्षेत्रान्तरप्रव्रजिते प्रथमा सप्ताहोरात्रिका, दुर्मेधसं प्रतीत्य तथाविधक्षयोपशमेन सूत्रग्रहणाभावाद् अन्या उत्कृष्टा भूमिः / अनधिगमादिविशेषे महामहोपाध्याय श्री यशोविजय विरचितं 32 मार्गपरिशुद्धिप्रकरणंसटीकम्
| SR No. | 004398 |
| Book Title | Margparishuddhi Prakaranam |
| Original Sutra Author | N/A |
| Author | Kulchandrasuri |
| Publisher | Bhidbhanjan Parshwanath Jain Sangh |
| Publication Year | 2002 |
| Total Pages | 112 |
| Language | Sanskrit |
| Classification | Book_Devnagari |
| File Size | 11 MB |