________________ ___585 5 परिच्छेदः। सरखतीकण्ठाभरणम् / तद्रूपेण रसस्यानुबन्धो यथा 'असंशयं क्षत्रपरिग्रहक्षमा यदार्यमस्यामभिलाषि मे मनः / सतां हि संदेहपदेषु वस्तुषु प्रमाणमन्तःकरणप्रवृत्तयः // 37 // अत्र पूर्वार्धोक्तार्थनिर्धारणरूपा मतिरुत्तरार्धनानुबध्यते // .. गर्वोऽन्येषामवज्ञानमात्मसंभावनादिभिः॥१५० // तद्रूपेण रसस्य पुष्टिर्यथा'धृतायुधो यावदहं तावदन्यैः किमायुधैः / / यद्वा न सिद्धमस्त्रेण मम तत्केन सेत्स्यति // 38 // ' अत्र कर्णस्यात्मसंभावनयाश्वत्थामन्यवज्ञा प्रकृष्यते // .. अहेतुरनिवर्ती च स्नेहश्चित्तार्द्रता मता। तद्रूपेण रसँस्य निष्पत्तिर्यथा- 'अनेन कस्यापि कुलाङ्कुरेण ___ स्पृष्टस्य गात्रेषु सुखं ममैतत् / का निर्वृतिं चेतसि तस्य कुर्या द्यस्यायमङ्गास्कृतिनः प्ररूढः // 39 // ' अत्र दुष्यन्तस्य सत्त्वदमनदर्शनादुत्पन्नस्तदङ्गस्पर्शसुखादिभिरुद्दीपितः स्पृहामतिवितर्कवागारम्भैः संसृज्यमानः स्नेहो निष्पद्यते // ___अभीष्टार्थस्य संप्राप्तौ स्पृहापर्याप्तता धृतिः। 1. अभिज्ञानम्' घ. 2. 'अवज्ञानम्' क.ख. 3. अनिवां च' क.ख. 4. 'रसनिष्पत्तिर्यथा' घ. 5, 'यस्सायमात्कृतिनः प्ररूढः। 6. सत्त्वदमनः शकु. न्तलातनयः.
