________________ एवं 'पञ्चाशत्पञ्च वर्षाणि सप्तमासं दिनत्रयम् / भोजराजेन भोक्तव्यः सगौडो दक्षिणापथः // . इति बल्लालपण्डितोक्तिरपि भविष्यदर्थबोधिका प्रायः पूर्वलिखितसंवत्सरासन्न एव समाप्यते / यतो मुञ्जमरणोत्तरं भोजशासनकालस्यावधिरपीयत्येव / राजतरङ्गिणीका कर्हणेन कलशराजसमकालिको भोजदेव आसीदिति लिखितम् / कलशश्च विक्रमसंवत्सरं 1120 आरभ्य विक्रमसंवत्सरं 1146 पर्यन्तं विद्यमान आसीत् / एतदाधारेणैव दाक्तरबूलरपण्डितः, श्रीमान् दाक्तरः स्टीन पण्डितश्च कलशसमकालिकं भोजं मत्वा भोजजीवितं 1120 विक्रमवर्षपर्यन्तं मन्वाते। परं 1112 विक्रमवर्षीयो जयसिंहलेखः, जयसिंहोत्तराधिकारिण उदयादित्यस्य 1116 विक्रमवर्षीयलेखश्च प्राप्ताविति भोजदेव 1110 कालासन्न एव काले भोजस्त्यक्तवान् लोकमेनमिति सिध्यति / राजतरङ्गिणीकर्ता बहुकालानन्तरं रचयामास ग्रन्थमिति कर्णाकर्येव लिखितमेतेन भोजसमकालिकत्वं कलशस्य / एवं किल भोजवृत्तमस्माभिरत्र संक्षेपतो लिखितम् / विशेषतो द्रष्टुकामैः 'Paramaras of Dhar' इति नाम्ना प्रसिद्ध पुस्तके प्राप्यं स्यात् / / पुस्तकस्यास्य कर्तुभिरेकं पुस्तकमस्मत्सकाशेऽपि संप्रेषितमिति तेभ्यो धन्यवादान्वितरामः। पुस्तकस्यास्य मुद्रणे वे. शा. सं. रा. रा. श्रीवीरेश्वरशास्त्रिसंपादितमेकं मुद्रितं पुस्तकम् , आनन्दराम बहोरा B. A. B.C. S. संपादितमन्यदेकं मुद्रितमेव पुस्तकम् , एवं जयपुरराजगुरुश्रीचन्द्रदत्तमैथिलानामेकं पुस्तकं लिखितं प्रायः प्रत्नमशुद्धतरं च तथा साहित्यशास्त्रीकन्हैयालालप्रश्नवरप्रदत्तमेकं पुस्तकमेवं पुस्तकचतुष्कं मुद्रणार्थ साहाय्यरूपेण संगृहीतम् / * तथा द्वितीयपरिच्छेदपर्यन्तं पुस्तकद्वितयं डेक्कनकॉलेजतः प्राप्तम् / मुद्रितपुस्तकद्वितयं क. ख. संज्ञाभ्यां लिखितं च पुस्तकद्वितयं ग. घ. संज्ञाभ्यां संज्ञातमस्माभिः / * अत्र येषां ग्रन्थकाराणां पद्यान्युदाहृतानि तेषां कति पद्यान्युद्धृतान्यत्र कश्च कालस्तेषामित्यपि परिशिष्टरूपेण योजितमस्माभिः /
