________________ अंग-पविट्ठ सुत्ताणि ते उग्गहं अणुण्णविज्जा कामं खलु आउसो ! अहालंदं अहा परिण्णायं वसामो जाव आउसो! आउसंतस्स उग्गहे जाव साहम्मियाए ताव उग्गहं उग्गिहिस्सामो तेण परं विहरिस्सामो // 889 / / से किं पुण तत्थ उग्गहंसि एवोग्गहियंसि जे तत्थ समणाण वा माहणाण वा दंडए वा छत्तए वा जाव चम्मछेदणए वा तं णो अंतोहिंतो बाहिं णीणेज्जा, बहियाओ वा णो अंतो पवेसेज्जा, णो सुत्तं वा णं पडिबोहेज्जा, जो तेसिं किंचिवि अप्पत्तियं पडिणीयं करेज्जा // 890 // से भिक्खू वा 2 अभिकंखेज्जा अंबवणं उवागच्छित्तए जे तत्थ ईसरे जे तत्थ समहिट्ठाए से उग्गहं अणुजाणावेज्जा, कामं खलु जाब विहरिस्सामो // 891 / / से किं पुण तत्थोग्गहंसि एवोग्गहियंसि अह भिक्खू इच्छेजा अंबं भोत्तए वा से जं पुण अंबं जाणिज्जा सअंडं जाव ससंताणं तहप्पगारं अंब अफासुयं जाव णो पडिगाहिज्जा // 892 / / से भिक्खू वा 2 से जं पुण अंबं जाणिज्जा, अप्पंडे जाव अप्पसंताणगं अतिरिच्छछिण्णं अवोच्छिण्णं अफासुयं जाव णो पडिग्गाहिज्जा // 893 / / से भिक्खू वा 2 से जं पुण अंबं जाणिज्जा अप्पंडं जाव संताणगं तिरिच्छच्छिण्णं वोच्छिण्णं फासुयं जाव पडिग्गाहिज्जा // 894 // से भिक्खू वा 2 अभिकंखेज्जा अंबभित्तगं वा अंबपेसियं वा अंबचोयगं वा अंबसालगं वा अंबडालगं वा भोत्तए वा पायए, वा से जं पुण जाणिज्जा, अंबभित्तगं वा जाव अंबडालगं वा सअंडं जाव संताणगं अफासुयं जाव णो पडिग्गाहिज्जा // 895 / / से भिक्खू वा 2 से जं पुण जाणिज्जा, अंबभित्तगं वा जाव, अप्पंडं जाव संताणगं अतिरिच्छच्छिण्णं वा अवोच्छिण्णं वा अफासुयं जाव णो पडिग्गाहिज्जा / / 896 // से भिक्खू वा 2 से जं पुण जाणिज्जा अंब भित्तग वा जाव, अप्पंडं जाव संताणगं तिरिच्छछिण्णं वोच्छिणं फासुयं जाव पडिग्गाहिज्जा // 897 / / से भिक्खू वा 2 अभिकंखेजा उच्छुवणं उवागच्छित्तए जे तत्थ ईसरे जाव एव उग्गहंसि० // 898 / / अह भिक्खू इच्छेज्जा उच्छु भोत्तए वा पायए वा से जं उच्छु जाणिज्जा, सअंडं जाव णो पडिग्गाहिज्जा / अतिरिच्छच्छिण्णं तहेव, तिरिच्छच्छिण्णे वि तहेव / / 899 / / से भिक्खू वा 2 से जं पुण अभिकंखेजा अंतरुच्छुयं उच्छुगंडियं वा उच्छुचोयग वा उच्छुसालगं का उच्छुडालगं वा भोत्तए वा पायए वा // 900 // से जं पुण जाणिजा, अंतरुच्छुयं वा जाव डालग वा सअंडं जाव णो पडिग्गाहिजा // 901 // से भिक्खू वा 2 से जं पुण
