________________ .. आयारो सु. 2 अ. 7 उ. 2 87 जाणिज्जा अंतरुच्छुयं वा जाव डालग वा अप्पंडं जाव णो पडिग्गाहिज्जा, अतिरिच्छच्छिण्णं तहेव // 902 // तिरिच्छच्छिणं तहेव पडिग्गाहिज्जा // 903 / / से भिक्खू वा 2 अभिकंखेज्जा ल्हसुणवणं उवागच्छित्तए, तहेव तिण्णि वि आलावगा णवरं लहसुण / / 904 // से भिक्खू वा 2 असिकंखेज्जा ल्हसुणं वा, ल्हसुण-कंद वा, ल्हसुण-चोयगं वा, ल्हसुण-णालग वा भोत्तए वा, पायए वा / सेज्जं पुण जाणेज्जा-लहसुण वा जाव ल्हसुण बीयं वा सअंडं जाव णो पडिगाहेज्जा / एवं अतिरिच्छच्छिण्णे वि तिरिच्छच्छिण्णे जाव पडिगाहेज्जा // 905 / / से भिक्खू वा 2 आगंतारेसु वा 4 जाव उग्गहियंसि जे तत्थ, गाहावईण वा गाहावइपुत्ताण वा इच्चेयाइं आययणाइं उवाइकम्म / / 906 // अह भिक्खू जाणिज्जा इमाहिं सत्तहिं पडिमाहिं उग्गहं उगिणिहत्तए / / 907 // तत्थ खलु इमा पढमा पडिमा- से आगंतारेसु वा 4 अणुवीइ उग्गहं जाएज्जा जाव० विहरिस्सामो / पढमा पडिमा // 908 / / अहावरा दोच्चा पडिमा-जस्स णं भिक्खुस्स एवं भवइ “अहं च खलु अण्णेसि भिक्खूणं अट्ठाए उग्गहं उगिहिस्सामि, अण्णेसिं भिक्खूणं उग्गहे उग्गहिए उवल्लिस्सामि / दो० प० // 909 // अहा० तचा पडिमा-जस्सणं भिक्खुस्स एवं भवइ “अहं च खलु अण्णेसि भिक्खूणं अट्ठाए उग्गहं उगिहिस्सामि, अण्णेसिं च उग्गहे उग्गहिए णो उवल्लिस्सामि / " त०प०॥९१०।। अहा० चउत्था पडिमाजस्सणं भिक्खुस्स एवं भवइ “अहं च खलु अण्णेसिं भिक्खूणं अट्ठाए उग्गहं णो उगिहिस्सामि अण्णेसिं च उग्गहे उग्गहिए उवल्लिस्सामि / " च० प० / / 911 // अहा. पंचमा पडिमा-जस्सणं भिक्खुस्स एवं भवइ, "अहं च खलु अप्पणो अट्टाए उग्गहं उगिहिस्सामि, णो दोण्हं; णो तिण्हं, णो चउण्हं णो पंचण्हं ।"पं०प०॥९१२।। अहा. छट्ठा पडिमा से भिक्खू वा 2 जस्सेव उग्गहे उवल्लिए ज्जा, जे तत्थ अहा समण्णागए, तंजहा-इकडे वा जाव पलाले वा तस्स लाभे संवसेज्जा, तस्स अलाभे उक्कुडुए वा णेसब्जिए वा विहरेज्जा / छ०प०॥९१३।। अहा० सत्तमा पडिमा से भिक्खू वा 2 अहासंथडमेव उग्गहं जाएज्जा, तंजहा--पुढविसिलं वा, कट्ठसिलं वा अहासंथडमेव तस्स लाभे संवसेज्जा तस्स अलाभे उक्कुडुओ वा णेसज्जिओ वा विहरेज्जा / सत्तमा प० / / 914 // इच्चेयासिं सत्तण्हं पडिमाणं अण्णयरं, जहा पिंडेसणाए // 915 // सुयं मे आउसं ! तेणं भगवया एवमक्खायं इह खलु थेरेहिं
