________________ अंग-पविट्ट सुत्ताणि भगवतेहिं पंचविहे उग्गहे पण्णत्ते, तंजहा–देविंदोग्गहे, रायोग्गहे, गाहावइउग्गहे, सागारियउग्गहे, साहम्मियउग्गहे // 916 // एयं खलु तस्स भिक्खुस्स 2 वा सामग्गियं / / 917 // बीओद्देसो समत्तो। सत्तमं अज्झयणं समत्तं। ॥ठाण-सत्तिक्कयं णाम अट्ठमं अज्झयणं॥ से भिक्खू वा 2 अभिकंखेज्जा ठाणं ठाइत्तए से अणुपविसिज्जा, गामं वा णगर वा, जाव सण्णिवेसं वा, से अणुपविसित्ता, गाम वा जाव सण्णिविसं वा, से जं पुण ठाणं जाणिज्जा, सअंडं जाव मक्कडासंताणयं तं तहप्पगारं ठाणं अफासुयं अणेसणिज्जं लाभे संते णो पडिगाहिज्जा, एवं सेज्जागमेण णेयव्वं जाव उदयपसूयाई ति॥९१८॥इच्चेयाइं आययणाई उवाइकम्म अह भिक्खू इच्छेज्जा, चउहिं पडिमाहिं ठाणं ठाइत्तए // 919 // तत्थिमा पढमा पडिमा-अचित्तं खलु उवसज्जेज्जा अवलंबेज्जा काएण विपरिकम्माइ सवियारं ठाणं ठाइस्सामि त्ति / प० प० // 920 // अहा० दोचा पडिमा-अचित्तं खलु उवसज्जेज्जा अवलंबेज्जा काएण विपरिकम्माइ णो सवियारं ठाणं ठाइस्सामि त्ति / दो० प० // 921 // अहा० तच्चा पडिमा-अचित्तं खलु उवसज्जेजा णो अवलंबेज्जा णो काएण, विपरिकम्माई णो सवियारं ठाणं ठाइस्सामि त्ति / त० प० // 922 // अहा० चउत्था पडिमा-अचित्तं खलु उवसज्जेज्जा, णो अवलंबेजा णो काएण, णो विपरिकम्माइ णो सवियारं ठाणं ठाइस्सामि त्ति वोसट्ठकाए वोस?केसमंसुलोमणहे संणिरुद्धं वा ठाणं ठाइस्सामि त्ति / च०प० // 923 / / इच्चेयासिं चउण्हं पडिमाणं जाव पग्गहियतराय विहरेज्जा, णो तत्थ किंचिविं वएज्जा // 924 // एयं खलु तस्स भिक्खुस्स 2 वा सामग्गियं भाव जएज्जासि त्ति बेमि // 925 // अट्रमं अज्झयणं समत्तं // ॥णिसीहिया-सत्तिक्कयं णाम णवमं अज्झयणं॥ से भिक्खू वा 2 अभिकंखेज्जा णिसीहियं फासुयं गमणाए से जं पुण णिसीहियं जाणिज्जा, सअंडं सपाणं जाव मक्कडासंताणयं तहप्पगारं णिसीहियं अफासुयं अणेसणिज्जं लाभे संते णो चेइस्सामि // 926 // से भिक्खू वा 2 अभिकंखेज्जा णिसीहियं गमणाए से जं पुण णिसीहियं जाणिज्जा अप्पंड अप्पपाणं जाव मक्कडासंताणय तहप्पगारं णिसीहियं फासुयं एसणि लाभे संते चेइस्सामि एवं सेज्जागमेणं
