________________ आयारो सु. 2 अ. 10 णेयव्वं जाव उदयप्पसूयाइं // 927 // जे तत्थ दुवग्गा जाव पंचवग्गा वा अभिसंधारेंति णिसीहियं गमणाए ते णो अण्णमण्णस्स कायं आलिंगेज वा विलिंगेज वा चुंबेज्ज वा दंतेहिं णहेहिं वा अच्छिदेज वा वुच्छिदेज्ज वा // 928 // एयं खलु तस्स भिक्खुस्स 2 वा सामग्गियं जं सवढेहिं सहिए समिए सया जए जा सेयमिणं मणिजासि त्ति बेमि // 929 // णवमं अज्झयणं समत्तं // ॥उच्चारपासवणं णाम दसमं अज्झयणं / से भिक्खू वा 2 उच्चारपासवणकिरियाए उब्बाहिज्जमाणे सयस्स पायपुंछणस्स असईए तओ पच्छा साहम्मियं जाएज्जा // 930 // से भिक्खू वा 2 से जं पुण थंडिलं जाणिज्जा सअंडं सपाणं जाव मक्कडासंताणयं तहप्पगारंसि थंडिलंसि णो उच्चारपासवणं वोसिरेज्जा // 93.1 // से भिक्खू वा 2 से जं पुण थंडिलं जाणिज्जा, अप्पपाणं अप्पबीयं जाव मक्कडासंताणयं तहप्पगारंसि थंडिलंसि उच्चारपासवणं वोसिरेज्जा // 932 / / से भिक्खू वा 2 से जं पुण थंडिलं जाणिज्जा, अस्सिपडियाए एगं साहम्मियं समुहिस्स अस्सिपडियाए बहवे साहम्मिया समुद्दिस्स अस्सिपडियाए एगं साहम्मिणिं समुद्दिस्स अस्सि पडियाए बहवे साहम्मिणीओ समुद्दिस्स अस्सिपडियाए बहवे समणमाहणवणीमया पगणिय पगणिय समुहिस्स पाणाई 4 जाव उद्देसियं चेएइ, तहप्पगारं थंडिलं पुरिसंतरकडं जाव बहिया णीहडं वा अणीहडं वा अण्ण यरंसि वा तहप्पगारंसि थंडिलंसि णो उच्चारपासवणं वोसिरेज्जा // 933 // से भिक्खू वा 2 से जं पुण थंडिलं जाणिज्जा, बहवे समणमाहणकिवणवणीमगअतिही समुद्दिस्स पाणाई 4 जाव उद्देसियं चेएइ, तहप्पगारं थंडिलं अपुरिसंतरकडं जाव बहिया अणीहडं वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 934 // अह पुण एवं जाणिज्जा, पुरिसंतरकडं जाव बहिया णीहडं वा अण्णयरंसि तहप्पगारंसि थंडिलंसि उच्चारपासवणं वोसिरेज्जा // 935 / / से भिक्खू वा 2 से जं पुण थंडिलं जाणिज्जा, अस्सिपडियाए कयं वा कारियं वा पामिचियं वा छण्णं वा घटुं वा मटुं वा लित्तं वा समढे वा संपधूमियं वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा / / 936 // से भिक्खू वा 2 से जं पुण थंडिलं जाणिज्जा, इह खलु गाहावई वा गाहावइपुत्ता वा कंदाणि वा मूलाणि वा जाव हरियाणि वा अंतराओ
