________________ 90 अंग-पविट्ट सुत्ताणि वा बाहिं णीहरंति बहियाओ वा अंतो साहरंति अण्णयरंसि वा तह पगारंसि थंडि. लसि णो उच्चारपासवणं वोसिरेज्जा // 937 // से भिक्खू वा 2 से जं पुण थंडिलं जाणिज्जा, खंधंसि वा पीदंसि वा मंचंसि वा मालंसि वा अमुसि वा पासायंसि वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 938 / / से भिक्खू वा 2 से जं पुण थंडिलं जाणिज्जा, अणंतरहियाए पुढवीए ससिणिद्धाए पुढवीए ससरक्खाए पुढवीए मट्टियामक्कडाए चित्तमंताए सिलाए चित्तमंताए लेलुयाए कोलावासंसि वा दारुयंसि वा जीवपइट्ठियंसि वा जाव मक्कडासंताणयंसि . वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 939 / / से भिक्खू वा 2 से जं पुण थंडिलं जाणिज्जा, इह खलु गाहावई वा गाहावइ पुत्ता वा कंदाणि वा जाव बीयाणि वा परिसा.सु वा परिसाडिंति वा परिसाडिस्संति वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 940 // से भिक्खू वा 2 से जं पुण थंडिलं जाणिज्जा, इह खलु गाहावई वा गाहावइपुत्ता वा सालीणि वा वीहीणि वा मुग्गाणि वा मासाणि वा तिलाणि वा कुलत्थाणि वा जवाणि वा जवजवाणि वा पइरिंसु वा पइरिंति वा पइरिस्संति वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 941 // से भिक्खू वा 2 से जं पुण थंडिलं जाणिज्जा, आमोयाणि वा घसा णि वा भिलुयाणि वा विजलयाणि वा खाणुयाणि वा कडयाणि वा पगडाणि वा दरीणि वा पदुग्गाणि वा समाणि वा विसमाणि वा अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 942 // से भिक्खू वा 2 से जं पुण थंडिलं जाणिज्जा, माणुसरंधणाणि वा, महिसकरणाणि वा, वसहकरणाणि वा, अस्सकरणाणि वा, कुक्कुडकरणाणि वा मक्कडकरणाणि वा लावयकरणाणि वा, वट्टयकरणाणि वा, त्तित्तिरकरणाणि वा, कवोयकरणाणि वा, कविंजलकरणाणि वा, अण्णयसि वा तहप्पगारंसि थंडिलंसि णो उच्चारपासवणं वोसिरेज्जा // 943 // से भिक्खू वा 2 से जं पुण थंडिलं जाणिज्जा, वेहाणसट्ठाणेसु वा, गिद्ध पिट्ठठाणेसु वा, तरुपडणट्ठाणेसु वा, मेरुपडणट्ठाणेसु वा, विसभक्खणट्ठाणेसु वा, अगणिपडणट्ठाणेसु वा अण्णयरंसि वा तह पगारंसि णो उच्चारपासवणं वोसिरेज्जा // 944 // से भिक्खू वा 2 से जं पुण थंडिलं जाणिज्जा, आरामाणि वा, उज्जाणाणि वा, वणाणि वा, वण
