________________ आयारो सु. 2 अ. 10 91 संडाणि वा, देवकुलाणि वा, सभाणि वा, पवाणि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 945 // से भिक्खू वा 2 से जं पुण थंडिलं जाणिज्जा, अट्टालयाणि वा, चरियाणि वा, दाराणि वा, गोपुराणि वा, अण्णयरंसि वा तहप्पगारंसि थंडिलसि णो उच्चारपासवणं वोसिरेज्जा॥९४६॥ से भिक्खू वा 2 से जं पुण थंडिलं जाणिज्जा, तियाणि वा, चउक्काणि वा, चच्चराणि वा, चउमुहाणि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा / / 947 // से भिक्खू वा 2 से जं पुण थंडिलं जाणिज्जा, इंगालडाहेसु वा, खारडा हेसु वा, मडयडाहेसु वा, मडयथूभियासु वा, मडयचेइए सु वा अण्णयरंसि वा तहप्पगारंसि थंडिलंसि णो उच्चारपासवणं वोसिरेजा // 948 // से मिक्खू वा 2 से ज पुण थंडिलं जाणिज्जा णइयाययणेसु वा, पंका ययणेसु वा, ओघाययणेसु वा, सेयणवहंसि वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेजा // 949 // से भिक्खू वा 2 से जं पुण थंडिलं जाणिज्जा, णवियासु वा, मट्टियवाणियासु णवियासु गोप्पलिहियासु वा, गवाणीसु वा, खाणीसु वा, अण्णयरंसि वा तहप्पगारंसि थंडिलंसि णो उच्चारपासवणं वोसिरेजा // 950 // से भिक्खू वा 2 से जं पुण थंडिलं जाणिज्जा, डागवचंसि वा, सागवञ्चसि वा, मूलगवचंसि वा हत्थंकरवचंसि या, अण्णयरंसि वा तहप्पगारंसि थंडिलंसि णो उच्चारपासवणं वोसिरेज्जा // 951 / / से भिक्खू वा 2 से जं पुण थंडिलं जाणिज्जा, असणवणंसि वा, सणवणंसि वा, धायइवणंसि वा, केयइवणंसि वा, अंबवणंसि वा, असोगवणंसि वा, णारावणंसि वा, पुण्णागवणंसि वा, चुण्णगवणंसि वा, अण्णयरेसु वा तहप्पगारेसु वा पत्तोवेएसु वा, पुप्फोवेएसु वा, फलोवेएसु वा, बीओवेएसु वा, हरिओवेएसु वा णो उच्चारपासवणें वोसिरेज्जा / / 952 // से भिक्खू वा 2 सयपाययं पा परपाययं वा गहाय से तमायाए एगतमवक्कमेज्जा, अणावायंसि असंलोइयंसि अप्पपाणंसि जाव मक्कडासंताणयंसि अहारामंसि वा उवस्सयंसि तओ संजयामेव उचारपासवणं वोसिरेजा, उच्चारपासवणं वोसिरित्ता से तमायाए एगंतमवक्कमे अणावायंसि जावं मकडासंताणयंसि अहारामंसि वा, ज्झामथंडिलसि वा. अण्णयरंसि वा तहप्पगारंसि थंडिलसि अचित्तसि तओ संजयामेव उच्चारपासवणं परिवेज्जा // 953 // एयं खलु तस्स भिक्खुस्स 2 वा सामग्गियं जाव जएज्जासि त्ति बेमि / / 954 / / दसममज्झयणं समत्तं //
