________________ 84 अंग-पविट्ठ सुत्ताणि पडिग्गहं णो आमन्जिज वा जाव पयाविज वा // 869 // अह पुण एवं जाणिज्जा विगओदए मे पडिग्गहए छिण्णसिणेहे तहप्पगारं पडिग्गहं तओ संजयामेव आमजिज वा जाव पयाविज वा // 870 // से भिक्खू वा 2 गाहावइकुलं जाव पविसि उकामे से पडिग्गहमायाए गाहा० पिंडवायपडियाए पविसिज्ज वा णिक्खमिज्ज वा एवं बहिया वियारभूमि वा विहारभूमि वा गामाणुगामं दूइज्जिज्जा // 871 / / तिव्वदेसियाए जहा बिइयाए वत्थेसणाए णवरं एत्थ पडिग्गहे / / 872 // एयं खलु तस्स भिक्खुस्स भिक्खुणीए वा सामग्गिय जं सबढेहिं समिए सहिए सया जएज्जासि त्ति बेमि // 873 / बीओडेसो समत्तो। छठं अज्झयणं समत्तं // // ओग्गह-पडिमा णाम सत्तमं अज्झयणं // समणे भविस्सामि अणगारे अकिंचणे अपुत्ते अपसू परदत्तभोई पावं कम्म णो करिस्सामि त्ति समुट्ठाए सव्वं भंते ! अदिण्णादाणं पच्चक्खामि // 874 // से अणुपविसित्ता गाम वा जाव० णेव सयं अदिण्णं गिहिज्जा, णेवण्णेणं अदिणं गिण्हावेज्जा, णेवण्णेणं अदिण्णं गिण्हतं समणुजाणेज्जा / जेहिं वि सद्धिं संपव्वइए तेसि पि जाइ छत्तगं वा मत्तगं वा दंडगं वा जाव चम्मछेयणगं वा तेसिं पुवामेव उग्गहं अणुण्णविय अपडिलेहिय 2 अपमज्जिय 2 णो गिण्हेज वा पगिण्हेज्ज वा तेसिं पुवामेव उग्गहं जाइज्जा अणुण्णविय पडिलेहिय 2 पमजिय 2 तओ संजयामेव उगिहिज्ज वा पगिहिज्ज वा // 875 // से आगंतारेसु वा 4 अणुवीइ उग्गहं जाएज्जा, जे तत्थ ईसरे जे तत्थ समहिट्ठाए ते उग्गहं अणुण्णवेज्जा काम खलु आउसो ! अहालंदं अहापरिणायं वासामो आउसो जाव आउसंतस्स उग्गहे जाव साहम्मिया एइ ताव उग्गहं उगिहिस्सामो तेण परं विहरिस्सामो / / 876 // से किं पुण तत्थोग्गहंसि एवोग्गहियंसि ? जे तत्थ साहम्मिया संभोइया समणुण्णा उवागच्छेज्जा, जे तेण सयमेसित्तए असणं वा 4 तेण ते साहम्मिया संभोइया समणुण्णा उवणिमंतेजा, णो चेव णं परवडियाए उगिज्झिय 2 उवणिमंतेजा / / 877 // से आगंतारेसु वा ४-जाव से किं पुण तत्थोग्गहंसि एवोग्गहियंसि जे तत्थ साहम्मिया अण्णसंभोइया समणुण्णा उवा
