________________ आयारो सु. 2 अ. 6 उ. 2 83 उवक्खडेसु वा, तो ते वयं आउसो ! सपाणं सभोयणं पडिग्गहग दाहामो, तुच्छए पडिग्गहए दिण्णे समणस्स णो सुटु साहु भवइ " से पुवामेव आलोएज्जा आउसो त्ति वा भइणि त्ति वा, णो खलु मे कप्पइ आहाकम्मिए असणे वा पाणे वा खाइमे वा साइमे वा भोत्तए वा पायए वा मा उवकरेहि मा उवक्खडेहि, अभिकखसि मे दाउं एमेव दलयाहि से सेवं वयंतस्स परो असणं वा जाव उवकरित्ता उवक्खडित्ता, सपाणगं सभोयणं पडिग्गहगं दलएज्जा तहप्पगारं पडिग्गहं अफासुयं जाव णो पडिगाहेज्जा // 860 // सिया से परो उवणेत्ता पडिग्गहं णिसिरेज्जा से पुवामेव आलोएज्जा आउसो त्ति वा भइणि त्ति वा तुमं चेवणं संतियं पडिग्गहगं अंतोअंतेणं पडिलेहिस्सामि // 861 // केवली बूया 'आयाणमेयं ' अंतो पडिग्गहंसि पाणाणि वा बीयाणि वा हरियाणि वा अह भिक्खूणं एस पइण्णा जाव जं पुवामेव पडिग्गहगं अंतोअंतेणं पडिलेहिज्जा // 862 // सअंडाइ सव्वे आलावगा भाणियव्वा जहा वत्थेसणाए, णाणत्तं तेल्लेण वा घएण वा णवणीएण वा वसाए वा सिणाणाइ जाव अण्णयरंसि वा तहप्पगारंसि थंडिलंसि पडिलेहिय 2 पमज्जिय 2 तओ संजयामेव आमज्जिज्जा // 863 // एयं खलु तस्स भिक्खुस्स भिक्खुणीए वा सामग्गियं जं सव्वटेहिं सहिए हिं सया जएज्जासि त्ति बेमि // 864 // पत्तेसणाज्झयणे पढमोद्देसो समत्तो॥ से भिक्खू वा 2 गाहावइकुलं पिंडवायपडियाए पविढे समाणे, पुवामेव पेहाए पडिग्गहगं अवहट्ठ पाणे पमज्जिय रयं तओ संजयामेव गाहावइकुलं पिंडवाय पडियाए णिक्खमेज्ज वा पविसेज्ज वा // 865 // केवली बूया 'आयाणमेयं' अंतो पडिग्गहगसि पाणे वा बीए वा हरिए वा परियावज्जेज्जा अह भिक्खूणं पुब्बोवइट्ठा एस पइण्णा जाव जं पुवामेव पेहाए पडिग्गहं अवटु पाणे पमज्जिय रयं तओ संजयामेव गाहावइकुलं पिंडवायपडियाए पविसेज्ज वा णिक्खमेज्ज वा॥८६६॥ से भिक्खू वा 2 गाहावइ० जाव० समाणे सिया से परो आह? अंतो पडिग्गहगंसि सीओदगं परिभाएत्ता णीहटु दलएज्जा तहप्पगारं पडिग्गहं परहत्थंसि वा परपायसि वा अफासुयं जाव णो पडिग्गाहेजा // 867 // से य आहच्च पडिग्गहिए सिया से 'खिप्पामेव उदगंसि साहरिज्जा, से पडिग्गहमायाए पाणं परिवेज्जा, ससणिद्धाए च णं भूमिए णियमिज्जा // 868 // से भिक्खू वा 2 उदउल्लं वा ससिणिद्धं वा
