________________ 82 अंग-पविढ सुत्ताणि से भिक्खू वा 2 असंजए भिक्खुपडियाए बहवे समणमाहणा वत्थेसणाऽऽलावओ // 850 // से भिक्खू वा 2 से जाई पुण पायाइं जाणिज्जा विरूवरूवाई मंहद्धणमुल्लाइं तंजहा अयपायाणि वा तउ० तंबपायाणि वा सीसग-हिरण्ण-सुवण्ण-रीरिअहारपुड-पायाणि वा मणि-काय-कंस-संख-सिंग-दंत-चेल-सेल-पायाणि वा चम्मपायाणि वा अण्णयराइं वा तहप्पगाराइं विरूवरूवाइं महद्धणमुल्लाइं पायाइं अफासुयाई जाव णो पडिग्गाहेज्जा // 851 // से भिक्खू वा 2 से जाइं पुण पायाई जाणिज्जा, विरूवरूवाइं महद्धणबंधणाई तं० अयबंधणाणि वा जाव चम्मबंधणाणि वा अण्णयराई तहप्पगाराइं महद्धणबंधाई अफासुयाई जाव णो पडिग्गाहेज्जा, इच्चेइयाई आययणाई उवाइकम्म // 852 // अह भिक्खू जाणिज्जा चउहिं पडिमाहिं पायं एसित्तए, तत्थ खलु इमा पढमा पडिमा-से भिक्खू वा 2 उद्दिसिय 2 पायं जाएजा, तंजहा अलाउयपायं वा दारुपायं वा मट्टियापायं वा तहप्पगारं पायं सयं वा णं जाएज्जा, जाव पडिगाहिज्जा / पढमा पडिमा ||853 // अहावरा दोच्चा पडिमा से भिक्खू वा 2 पेहाए पायं जाएंज्जा, तंजहा-गाहावई वा जाव कम्मकरिं वा से पुवामेव आलोएज्जा, “आउसो त्ति वा भइणि त्ति वा दाहि सि मे एत्तो अण्णयरं पायं, तंजहा लाउयपायं वा '' जाव तहप्पगारं पायं सयं वा णं जाएज्जा, परो वा से देज्जा जाव पडिगाहेज्जा / दोचा पडिमा // 854 // अहावरा तच्चा पडिमा-से भिक्खू वा 2 से जं पुण वा जाणिज्जा, संगइयं वा वेजइयंतियं वा तहप्पगारं पायं सयं वा जाव पडिगाहिज्जा / तच्चा पडिमा।।८५५।। अहावरा चउत्था पडिमा-से भिक्खू वा 2 उज्झियधम्मियं पायं जाएज्जा, जं चऽण्णे बहवे समणमाहणा जाव वणीमगा णावखंति, तहप्पगारं पायं सयं वा णं जाव पडिगाहिज्जा। चउत्था पडिमा / / 856 // इच्चेयाणं चउण्हं पडिमाणं अण्णयरं पडिमं, जहा पिंडेसणाए // 857 / / से णं एयाए एसणाए एसमाणं पासित्ता परो वएज्जा, “आउसंतो समणा ! एज्जासि तुमं मासेण वा जाव" जहा वत्थेसणाए // 858 / / से णं परो णेया वएज्जा, आउसो त्ति वा भइणि त्ति वा आहरेयं पायं तेल्लेण वा घएण वा णवणीएण वा वसाए वा अभंगेत्ता वा तहेव सिणाणाइ तहेव सीओदगाइंकंदाई तहेव // 859 / / से णं परो णेया वएज्जा "आउसंतो समणा! मुहुत्तग 2 अच्छाहि जाव ताव अम्हे असणं वा 4 उवकरेंसु
