________________ 860 अंग-पविट सुत्ताणि णुप्पिया ! कि करेह किं ववसह कि भे हियइच्छिए कि भे सामत्थे ? तए णं तं णेगमट्ठसहस्संपि तं कत्तियं सेटुिं एवं वयासी-जइ णं देवाणुप्पिया ! संसार. भयउद्विग्गा भीया जाव पव्वइस्संति अम्हं देवाणुप्पिया ! किं अण्णे आलंबणे वा आहारे वा पडिबंधे वा ? अम्हेवि गं देवाणु प्पिया ! संसारभयउन्विग्गा भीया जम्मणमरणाणं देवाणुप्पिएहिं सद्धि मुणिसुव्वयस्स अरहओ अंतियं मुंडा भवित्ता अगाराओ जाव पन्वयामो। तए णं से कत्तिए सेट्ठी तं णेंगमट्ठसहस्सं एवं वयासी-जइ गं देवाणुप्पिया ! संसारभयउव्विग्गा भीया जम्मणमरणाणं मए सद्धि मुणिसुव्वय० जाव पव्वयह तं गच्छह णं तुझे देवाणुप्पिया ! सएसु गिहेसु विउलं असणं जाव उवक्खडाघेह मित्तणाइ जाव पुरओ जेट्टपुत्ते कुडुंबे ठावेह जेट्ट० 2 ता तं मित्तणाइ जाव जेट्टपुते आपुच्छह 2 ता पुरिससहस्सवाहिणीओ सीयाओ दुरूहह पु० 2 ता मित्तणाइ जाव परिजणेणं जेट्टपुत्तेहि य समण गम्ममाणमग्गा सविड्ढीए जाव रवेणं अकालपरिहीणं चेव ममं अंतियं पाउड्भवह / तए णं ते णेगमद्वसहस्संपि कत्तियस्स सेट्ठिस्स एयमझें विणएणं पडिसुर्णेति 2 ता जेणेव साइं-साइं गिहाई तेणेव उवागच्छंति 2 ता विपुलं असणं जाव उववखडावेंति 2 ता मित्तणाइ जाव'तस्सेव मित्तणाइ जाव पुरओ जेटपुत्ते कुडुंबे ठावेंति जेट्टपुत्ते० 2 ता तं मित्तणाइ जाव जेट्टपुत्ते य आपुच्छंति जेट्र० 2 त्ता पुरिससहस्सवाहिणीओ सीयाओ दुरूहंति 2 ता मित्तणाइ जाव परिजणेणं जेट्टपुत्तेहि य समणुगम्ममाणमग्गा सविड्ढोए जाव रवेणं अकाल. परिहीणं चेव कत्तियस्स सेट्ठियस्स अंतियं पाउब्भवंति / तए णं से कत्तिए सेट्ठी विपुलं असणं 4 जहा गंगदत्तो जाव मित्तणाइ जाव परिजणणं जेट्रपत्तेणं णेग. मट्टसहस्सेण य समणुगम्ममाणमग्गे सविड्ढीए जाव रवेणं हथिणापुरं णयरं मझंमज्झेणं जहा गंगदत्तो जाव आलित्ते णं भंते ! लोए पलिते णं भंते ! लोए आलित्तपलित्ते णं भंते ! लोए जाव अणगामियत्ताए भविस्सइ, तं इच्छामि णं भंते ! णेगमट्ठसहस्सेणं सद्धि सयमेव पव्वावियं सयमेव मुंडावियं जाव धम्ममाइक्खियं, तए णं मुणिसुव्वए अरहा कत्तियं सेट्टि णेगमट्ठसहस्सेणं सद्धि सयमेव पवावेइ जाव धम्ममाइक्खइ, एवं देवाणुप्पिया ! गंतव्वं एवं चिट्टियध्वं जाव संजमियव्वं / तए णं से कत्तिए सेट्ठी लेगमसहस्सेणं सद्धि मुणिसुव्वयस्स अरहओ इमं एयारूवं धम्मियं उवएसं सम्मं संपडिवज्जइ, तमा.
