________________ भगवई स. 18 उ. 2 859 __ अद्वारसमं सयं बीओ उद्देसो तेणं कालेणं तेणं समएणं विसाहा णामं णयरी होत्था वण्णओ, बहुपुत्तिए चेहए वण्णओ, सामी समोसढे जाव पज्जुवासइ / तेणं कालेणं तेणं समएणं सक्के देविदे देवराया वज्जपाणी पुरंदरे एवं जहा सोलसमसए बिइयउद्देसए तहेव दिव्वेणं जाणविमाणेणं आगओ णवरं एत्थ आभिओगावि अत्थि जाव बत्तीसइविहं णट्टविहिं उवदंसेइ 2 ता जाव पडिगए / भंते ! त्ति भगवं गोयमे समणं भगवं महावीरं जाव एवं वयासी-जहा तइयसए ईसाणस्स तहेव कूडागारदिळंतो तहेव पुत्वभवपुच्छा जाव अभिसमण्णागया ? गोयमादि ! समणे भगवं महावीरे भगवं गोयमं एवं वयासी-एवं खलु गोयमा ! तेणं कालेणं तेणं समएणं इहेव जंबुद्दीवे 2 भारहे वासे हत्थिणाउरे णामं णयरे होत्था वण्णओ, सहसंबवणे उज्जाणे वण्णओ, तत्थ णं हस्थिणाउरे णयरे कत्तिए णाम सेट्ठी परिवसइ अड्ढे जाव अपरिभूए णेगमपढमासणिए णेगमट्ठसहस्स. स्स बहुसु कज्जेसु य कारणेसु य कोडंबेसु य एवं जहा रायप्पसेणइज्जे चित्ते जाव चक्खुभूए णेगमटुंसहस्सस्स सयस्स य कुडुंबस्स आहेबच्चं जाव कारेमाणे पालेमाणे य समणोवासए अभिगयजीवाजीवे जाव विहरइ / तेणं कालेणं तेणं समएणं मुणिसुव्वए अरहा आइगरे जहा सोलसमसए तहेव जाव समोसढे जाव परिसा पज्जवासइ / तए णं से कत्तिए सेट्ठी इमीसे कहाए लद्धठे समाणे हट्टतुट्ठ० एवं जहा एक्कारसमसए सुदंसणे तहेव णिग्गओ जाव पज्जुवासइ / तए णं मुणिसुव्वए अरहा कत्तियस्स सेट्ठिस्स धम्मकहा जाव परिसा पडिगया। तए णं से कत्तिए सेट्ठी मणिसुव्वयस्स जाव णिसम्म हद्वतुट्ठ० उदाए उठेइ उ० 2 ता मुणिसुव्वयं जाव एवं वयासी-एवमेयं भंते ! जाव से जहेयं तुझे वदह जं णवरं देवाणुप्पिया ! गमट्ठसहस्सं आपुच्छामि जेट्टपुत्तं च कुटुंबे ठावेमि, तए णं अहं देवाणप्पियाणं अंतियं पव्वयामि, अहासुहं जाव मा पडिबंधं / तए णं से कत्तिए सेट्ठी जाव पडिणिक्खमइ 2 ता जेणेव हत्थि. णापुरे णयरे जेणेव सए गेहे तेणेव उवागच्छइ 2 ता गमट्ठसहस्सं सद्दावेइ 2 त्ता एवं वयासी-एवं खल देवाणप्पिया ! मए मणिसुब्वयस्स अरहओ . अंतियं धम्मे णिसंते सेवि य मे धम्मे इच्छिए पडिच्छिए अभिरुइए, तए णं अहं देवाणुप्पिया ! संसारभयउद्विग्गे जाव पव्वयामि, तं तुझे णं देवा.
