________________ 858 अंग-पविट्ठ सुत्ताणि गोयमा ! जीवा णो चरिमा अचरिमा, णेरइया चरिमावि अचरिमावि, एवं जाव वेमाणिया, सिद्धा जहा जीवा / आहारए सव्वत्थ एगतेणं सिय चरिमे सिय अचरिमे, पुहत्तेणं चरिमावि अचरिमावि, अणाहारओ जीवो सिद्धो य एगत्तेणवि पहुत्तेणवि णो चरिमो अचरिमो, सेसट्ठाणेसु एगत्तपुहुत्तेणं जहा आहारओ 2 / भवसिद्धीओ जीवपए एगत्तपुहुत्तेणं चरिमे णो अचरिमे, सेसटाणेसु जहा आहारओ / अभवसिद्धीओ सम्वत्थ एगत्तपुहुत्तेणं णो चरिमे अचरिमे, णोभवसिद्धीय णोअभवसिद्धीय जीवा सिद्धा य एगत्तपुह तेणं जहा अभवसिद्धीओ 3 / सण्णी जहा आहारओ, एवं असण्णीवि, णोसण्णीणोअसण्णी जीवपए सिद्ध. पए य अचरिमो, मणुस्सपए चरिमो एगत्तपुहुत्तेणं 4 / सलेस्सो जाव सुक्क लेस्सो जहा आहारओ णवरं जस्स जा अत्थि, अलेस्सो जहा णोसण्णीअसण्णी 5 / सम्मदिट्ठी जहा अणाहारओ, मिच्छादिट्ठी जहा आहारओ, सम्मामिच्छा. दिट्ठी एगिदियविलिदियवज्जं सिय चरिमे सिय अचरिमे, प्रहत्तेणं चरिमावि अचरिमावि 6 / संजओ जीवो मणुस्सो य जहा आहारओ, असंजओवि तहेव, संजयासंजओवि तहेव, णवरं जस्स जं अस्थि, णोसंजयणोअसंजयणोसंजयासंजय जहा णोभवसिद्धीयणोअभवसिद्धीओ 7 / 'सकसाई जाव लोभकसाई सव्वट्ठाणेसु जहा आहारओ, अकसाई जीवपए सिद्धपए य णो चरिमो अचरिमो, मणुस्सपए सिय चरिमो सिय अचरिमो 8 / णाणी जहा सम्मदिट्ठी सव्वत्थ आभिणिबोहियणाणी जाव मणपज्जवणाणी जहा आहारओ णवरं जस्स जं अस्थि, केवलणाणी जहा णोसण्णीणोअसण्णी, अण्णाणी जाव विभंगणाणी जहा आहारओ है / सजोगी जाव कायजोगी जहा आहारओ जस्स जो जोगो अस्थि, अजोगी जहा णोसण्णीणोअसण्णी 10 / सागारोवउत्तो अणागारोवउत्तो य जहा अणाहारओ 11 / सवेदओ जाव णपुंसगवेदओ जहा आहारओ, अवेदओ जहा अकसाई 12 / ससरीरी जाव कम्मगसरीरी जहा आहारओ णवरं जस्स जं अस्थि,असरीरी जहा णोभवसिद्धीयणोअभवसिद्धीय१३। पंचहि पज्जत्तीहि पंचहि अपज्जत्तीहिं जहा आहारओ सव्वत्थ एगत्तपुहत्तेणं दंडगा भाणियव्वा 14 / इमा लक्खणगाहा जो जं पाविहिइ पुणो भावं सो तेण अचरिमो होइ / अच्चंत. विओगो जस्स जेण भावेण सो चरिमो // 1 // सेवं भंते ! सेवं भंते ! त्ति जाव विहरइ // 615 //
