________________ आयारो सु. 2 अ. 4 उ. 1, 2 73 पडुप्पण्णवंयणं, अणागयवयणं, पञ्चक्खवयणं, परोक्खवयणं // 775 // से एगवयणं वइस्सामीइ एगवयणं वएज्जा, जाव परोक्खवयणं वइस्सामीइ परोक्खवयणं वएज्जा, इत्थी वेस पुरिसो वेस, णपुंसां वेस, एवं वा चेयं, अण्णं वा चेयं, अणुवीइ णिट्ठाभासी, समियाए संजए भासं भासिज्जा, इच्चेयाई आययणाई उवाइकम्म // 776 // अह भिक्खू जाणिज्जा चत्तारि भासज्जायाई, तंजहा-सच्चमेग पढमं भासज्जाय, बीयं मोसं, तइयं सच्चामोसं, जं णेव सच्चं णेव मोसं णेव सच्चामोसं "असच्चामोसं" णाम तं चउत्थं भासज्जायं // 777 // से बेमि जे अईया जे य पडुप्पण्णा जे य अणागया अरहंता भगवंतो सब्वे ते एयाई चेव चत्तारि भासाजायाई भासिंसु वा भासंति वा भासिस्संति वा, पण्णविंसु वा, पण्णवेति वा, पण्णविस्संति वा, सव्वाइं च णं एयाई अचित्ताणि वण्णमंता णि गंधमंताणि रसमंताणि फासमंताणि चओवचइयाई विपरिणामधम्माई भवंतीति समक्खायाई ॥७७८॥से भिक्खू वा 2 से जं पु० जाणि० पुट्विं भासा अभासा भासमाणा भासा भासा, भासासमयविइकंता च णं भासिया भासा अभासा // 779 // से भिक्खू वा 2 से जं पु० जाणि० जो य भासा सच्चा, जा य भासा मोसा, जा य भासा सच्चामोसा, जा य भासा असञ्चामोसा, तहप्पगारं भासं सावजं सकिरियं कक्कसं कडुयं णिठ्ठरं फरुसं अण्हयकरि छेयणभेयणकरिं परियावणकरिं उद्दवणकरिं भूओवघाइयं अभिकंख भासं णो भासेज्जा / / 780 // से भिक्खू वा 2 से जं पु० जाणि० जा य भासा सच्चा सुहमा जा य भासा असच्चामोसा तहप्पगारं भासं असावज्ज अकिरियं जाव अभूओवघाइयं अभिकख भासं भासेज्जा, से भिक्खू वा 2 पुमं आमंतेमाणे आमंतिए वा अपडिसुणेमाणं णो एवं वएज्जा, होले त्ति वा गोले त्ति वा वसुले त्ति वा कुपक्खे त्ति वा घडदासे तिं वा साणे त्ति वा तेणे त्ति वा चारिए त्ति वा माई त्ति वा मुसावाई त्ति वा एयाइं तुम ते जणगा वा एयप्पगारं भासं सावज सकि. रियं जाव अभिकख णो भासेज्जा // 781 // से भिक्खू वा 2 पुमं आमंतेमाणे आमंतिए वा अपडिसुणेमाणे एवं वए जा, अमुगे त्ति वा आउसोत्ति वा आउसंतारो त्ति वा सावगे त्ति वा उपासगेत्ति वा धम्मिएत्ति वा धम्मपियेत्ति वा एयप्पगारं भासं असावज्जं जाव अभूओवघाइयं अभिकंग्व भासेज्जा // 782 // से भिक्खू वा 2 इत्थिं आमंतेमाणे आमंतिए य अपडिसुणेमाणीं णो एवं वएज्जा,
