________________ 72 अंग-पविट्ठ सुत्ताणि विहं जाणिज्जा, इमंसि खलु विहंसि बहवे आमोसगा उवगरणपडियाए संपिडिया गच्छेज्जा, णो तेसिं भीओ उम्मग्गेण गच्छेज्जा, जाव समाहीए तओ संज़यामेव गामाणुगामं दूइज्जिज्जा // 770 // से भिक्खू वा 2 गामाणुगामं दूइज्जमाणे अंतरा से आमोसगा संपिंडिया गच्छेज्जा ते णं आमोसगा एवं वएज्जा, आउसंतो समणा! आहर एयं वत्थं वा पायं वा कंबलं वा पायपुंछणं देहि णिक्विवाहि, तं णो देज्जा णो णिक्खिवेज्जा, णो वंदिय 2 जाएज्जा, णो अंजलि कटु जाएज्जा, णो कलुणवडियाए जाएज्जा, धम्मियाए जायणाए जाए ज्जा, तुसिणीयभावेण वा उवेहिज्जा ते णं आमोसगा 'सयं करणिज्ज' त्ति कटु, अक्कोसंति वा जाव उवद्दवति वा वत्थ वा पायं वा कंबलं वा पायपुंछणं अच्छिदेज्ज वा, जाव परिवेज्ज वा, तं गं णो गामसंसारियं कुज्जा, णो रायसंसारियं कु.ज्जा, णो परं उवसंकमित्तु बूया, आउ. संतो गाहावई ! एए खलु मे आमोसगा उवगरणपडियाए सयं करणिज्ज त्ति कटु अक्कोसंति वा जाव परिवेंति वा, एयप्पगारं मणं वा वयणं वा णो पुरओ कटु विहरेज्जा, अप्पुस्सुए जाव समाहीए तओ संजयामेव गामाणुगामं दूइज्जेज्जा / / 771 // एयं खलु तस्स भिक्खुस्स भिक्खुणीए वा सामग्गिय ज सव्वटेहिं समिए सहिए सया जएज्जासि त्ति बेमि // 772 / / तइओद्देसो समत्तो॥ तइयं अज्झयणं समत्तं / / ॥भासज्जायं णाम चउत्थं अज्झयणं / से भिक्खू वा 2 इमाई वयायाराइं सोचा णिसम्म इमाई अणायाराई अणायरियपुवाई जाणिज्जा, जे कोहा वा वायं विउंजंति माणा वा वायं विउंजंति मायाए वा वायं विउंति लोहा वा वायं विउंजंति, जाणओ वा फरुसं वयंति, अजाणओ वा फरुसं वयंति, सबमेयं सावज्जं वज्जेज्जा, विवेगमायाए // 773 / / धुवं चेयं जाणिज्जा, अधुवं चेयं जाणिज्जा, असणं वा 4 लभिय णो लभिय, भुंजिय णो भुजिय, अदुवा आगए णा आगए, अदुवा एइ णो एइ, अदुवा एहिइ णो एहिइ, एत्थवि आगए णो आगए, एत्थवि एइ णो एइ, एत्थवि एहिइ णो एहिइ // 774 // अणुवीइ णिट्ठाभासी, सभियाए संजए भासं भासेज्जा, तंजहा–एगवयणं, दुवयणं, बहुवयणं, इत्थिवयणं, पुरिसवयणं, णपुंसगवयणं, अंज्झत्थवयणं, उवणीयवयणं, अवणीयवयणं, उवणीयावणीयवयणं, अवणियोवणीयवयणं, तीयवयणं,
