________________ आयारो सु. 2 अ. 4 उ.१ के तुब्भे ? कओ वा एह ? कहिं वा गच्छिहिह ? जे तत्थ सव्वराइणिए से भासेज्ज वा वागरेज्ज वी राइणियस्स भासमाणस्स वियागरेमाणस्स वा णो अंतराभास भासेज्जा तओ संजयामेव अहाराइणियाए गामाणुगामं दूइज्जिज्जा // 763 // से भिक्खू वा 2 गामाणुगामं दृइज्जमाणे अंतरा से पाडिवहिया आगच्छेज्जा, ते णं पाडिवहिया एवं वएज्जा “आउसंतो समणा! अवियाइं एत्तो पडिवहे पासह तंजहामणुस्सं वा गोणं वा महिसं वा पसु वा पक्खि वा, सिरीसिवं वा, जलयरं वा से आइक्खह दंसेह" तं णो आइक्खेज्जा णो दंसेज्जा णो तेसिं तं परिण्णं परिजाणिज्जा, तुसिणीओ उवेहेज्जा, जाणं वा, णो जाणंति वएज्जा, तओ संजयामेव गामाणुगामं दूइज्जेज्जा // 764 // से भिक्खू वा 2 गामाणुगामं दूइज्जमाणे अंतरा से पाडिवहिया आगच्छेज्जा ते णं पाडिवहिया एवं वएज्जा “आउसंतो समणा ! अवियाई एत्तो पडिपहे पासह उदगपसूयाणि कंदाणि वा मूलाणि वा तयाणि वा पत्ताणि वा पुप्फाणि वा फलाणि वा बीयाणि वा हरियाणि वा उदगं वा संणिहियं अगणिं वा संणिक्वित्त, सेसं तं चेव से आइक्खह, जाव दूइज्जेज्जा // 765 // से भिक्खू वा 2 गामाणुगाम दूइज्जमाणे अंतरा से पाडिवहिया उवागच्छेज्जा ते णं पाडिबहिया एवं वए ज्जा, आउसंतो समणा ! अवियाई एत्तो पडिवहे पासह, जवसाणि वा, जाव से णं वा, विरूवरूवं संणिविडं, से आइक्वह जाव दूइज्जिज्जा // 766 / / से भिक्खू वा 2 गामाणुगामं दूइज्जमाणे अंतरा से पाडिवहिया जाव “आउसंतो समणा ! केवइए एत्तो गामे वा जाव रायहाणी वा से आइक्खह जाव दूइज्जिज्जा // 767 // से भिक्खू वा 2 गामाणुगाम दूइज्जमाणे अंतरा से पाडिवहिया जाव * “आउसंतो समणा ! केवइए एत्तो गामस्स णगरस्स वा जाव रायहाणीए वा मग्गे, से आइक्खह तहेव जाव दूइज्जिज्जा // 768 / / से भिक्खू वा 2 गामाणुगामं दूइज्जमाणे अंतरा से गोणं वियालं पडिपहे पेहाए जाव चित्तचिल्डं वियालं पडिबहे पेहाए णो तेसिं भीओ उम्मग्गेणं गच्छेच्जा, णो मग्गाओ उम्मग्गं संकमिज्जा, णो गहणं वा वणं वा दुग्गं वा अणुपविसेज्जा, णो रुक्खंसि दुरुहेज्जा, णो महइमहालयंसि उदयसि कायं विउसेज्जा, णो वाडं वा सरणं वा सेणं वा सत्थं वा कंखेज्जा, अप्पुस्सुए जाव समाहिए तओ संजयामेव गामाणुगामं दूइज्जिज्जा // 769 / / से भिक्खू वा 2 गामाणुगामं दूइज्जमाणे अंतरा से विहं सिया से जं पुण
