________________ 74 - अंग-पविट्ठ सुत्ताणि होली इ वा गोली इ वा इत्थीगमेणं णेयव्वं // 783 // से मिक्व वा 2 इत्थियं आमंतेमाणे आमंतिए य अपडिसुणेमाणीं एवं वएज्जा, आउमो. त्ति वा भगिणि त्ति वा भगवइ त्ति वा साविगे ति वा उवासिए त्ति वा धम्मिए त्ति वा धम्मपियेत्ति वा एयप्पगारं भासं असावजं जाव अभिकंख भासेजा // 784 // से भिक्खू वा 2 णो एवं वएज्जा, णभोदेवेत्ति वा गजदेवेत्ति वा विज्जुदेवे त्ति वा पवुट्ठदेवेत्ति वा णिवुट्ठदेवेत्ति वा पडउ वा वासं मा वा पडउ णिप्फजउ वा सस्सं मा वा णिप्फज्जउ विभाउ वा रयणी मा वा विभाउ उदेउ वा सूरिए मा वा उदेउ, सो वा राया जयउ मा वा जयउ, णो एयप्पगारं भासं भासिज्जा पण्णवं // 785 // से भिक्खू वा 2 अंतलिक्खेत्ति वा गुज्झाणुचरिएत्ति वा समुच्छिए वा णिवइए वा पओवएज्जा वा वुटबलाहगेत्ति वा / / 786 // एयं खलु तस्स भिक्खुस्स भिक्खुणीए वा सामग्गियं जं सवढेहिं समिए महिए सया जएज्जासि त्ति बेमि // 787 // भासाज्झयणस्स पढमोद्देसो समत्तो // से भिक्खू वा 2 जहा वेगइयाई रूवाई पासेज्जा तहावि ताई णो एवं वएज्जा, तंजहा-गडी गंडीइ वा, कुट्टी कुट्टीइ वा, जाव , महुमेहुणीत्ति वा, हत्थछिण्णं हत्थछिण्णेत्ति वा, एवं पाद णक-कण्ण उट्ठच्छिण्णेत्ति वा, जे यावण्णे तहप्पगारा एयप्पगाराहिं भामाहिं बुइया बुइया कुप्पंति माणवा, तेमयावि तहप्पगाराहिं भासाहि अभिकंख णो भासेज्जा // 788 // से भिक्खू वा 2 जहा वेगइयाई रूवाई पासिज्जा तहावि ताई एवं वएज्जा तंजहा-ओयंसी ओयंसीइ बा, तेयसी तेयंसीइ वा, वचसी वच्चंसीइ वा, जसंसी जसंसीइ वा, अभिरूवं अभिरुवेइ वा पडिरूवं पडिरूवेइ वा, पासाइयं पासाइएइ वा दरिसणिजं दरिसणीएइ वा, जे यावण्णे तहप्पगारा एयप्पगाराहिँ भासाहिं बुइया बुइया णो कुप्पंति माणवा, तेयावि तहप्पगारा एयप्पगाराहिं भासाहिं अभिकख भासिज्जा। तहप्पगारं भासं असावज्जं जाव भासेज्जा / / 789 / / से भिक्खू वा 2 जहा वेगइयाई रूवाइं पासेज्जा तंजहावप्पाणि वा जाव भवणगिहाणि वा, तहावि ताई णो एवं वएज्जा, तंजहा.-सुकडे इ वा सुठुकडे इ वा साहुकडे इ वा कल्लाणे इ वा करणिज्जे इ वा एयप्पगारं भासं सावज्ज जाव णो भासेज्जा / / 790 // से भिक्खू वा 2 जहा वेगइयाई रूवाई पासेज्जा, तंजहा–वप्पाणि वा जाव भवणगिहाणि वा तहावि ताई एवं
