________________ 846 अंग-पविट्ठ सुत्ताणि जोयणसए एवं पमाणं जहेव तिगिच्छिकूडस्स पासायडिसगस्सवि तं चैव पमाणं सीहासणं सपरिवारं बलिस्स परियारेणं अट्ठो तहेव, णवरं रुयगिदप्प. भाई 3 सेसं तं चेव जाव बलिचंचाए रायहाणीए अण्णेसि च जाव रुयगिदस्स णं उप्पायपव्वयस्स उत्तरेणं छक्कोडिसए तहेव जाव चत्तालीसं जोयणसहस्साई ओगाहित्ता एत्थ णं बलिस्स वइरोपिदस्स वइरोयणरण्णो बलिचंचा णामं रायहाणी प० एगं जोयणसयसहस्सं पमाणं तहेव उववाओ जाव आयरक्खा सव्वं तहेव गिरवसेसं, णवरं साइरेगं सागरोवमं ठिई 50, सेसं तं चेव जाव बली वइरोणिदे बली० 2 / सेवं भंते ! 2 ति जाव विहरइ / 586 / सोलसमं सयं दसमो उद्देसो कइ विहे णं भंते ! ओही पण्णत्ते ? गोयमा ! दुविहा ओही प०, तं०ओहीपयं णिरवसेसं भाणियत्वं / सेवं भंते ! 2 त्ति जाब विहरइ // 587 // . सोलसमं सयं 11-14 उद्देसा दीवकुमारा णं भंते ! सव्वे समाहारा सव्वे समुस्सासणिस्सासा ? णो इणठे समझें, एवं जहा पढ़मसए बिइयउद्देसए दीवकुमाराणं वत्तव्वया तहेव जाव समाउया समुस्सासगिस्सासा / एवं णागावि, दीवकुमाराणं भंते ! कइ लेस्साओ पण्णत्ताओ ? गोयमा ! चत्तारि लेस्साओ पण्णत्ताओ, तंजहा-कण्ह. लेस्सा जाव तेउलेस्सा / एएसि णं भंते ! दीवकुमाराणं कण्हलेस्साणं जाव तेउलेस्साण य कयरे कयरेहितो जाव विसेसाहिया वा ? गोयमा ! सम्वत्थोवा दीवकुमारा तेउलेस्सा, काउलेस्सा असंखेज्ज गुणा, णीललेस्सा विसेसाहिया, कण्हलेस्सा विसेसाहिया / एएसि णं भंते ! दीवकुमाराणं कण्हलेस्साणं जाव तेउलेस्साण य कयरे कयरेहितो अप्पिड्डिया वा महिड्डिया वा ? गोयमा ! कण्हलेस्साहितो णीललेस्सा महिड्डिया जाव सव्वमहिड्डिया तेउलेस्सा / सेवं भंते ! 2 ति जाव विहरई // 16 // 11 // उदहिकुमारा णं भंते ! सव्वे समाहारा० एवं चेव / सेवं भंते ! 2 त्ति // 16 // 12 // एवं दिसाकुमारावि। सेवं भंते ! 2 ति // 16 // 13 // एवं थणियकुमारावि / सेवं भंते ! सेवं भंते ! ति जाव विहरइ // 588 // सोलसमं सयं समत्तं .
