________________ भगवई स. 16 उ. 9 845 मंता भणिया एवं सक्करप्पभाएवि उवरिमहेट्ठिल्ला जहा रयणप्पभाए हेटिल्ले, एवं जाव अहे सत्तमाए, एवं सोहम्मस्सवि जाव अच्चुयस्स, गेविज्जविमाणाणं एवं चेव, णवरं उवरिमहेट्ठिल्लेसु चरिमंतेसु देवेसु पंचिदियाणवि मज्झिल्लविर. हिओ चेव सेसं तहेव, एवं जहा गेवेज्जविमाणा तहा अणुत्तरविमाणावि, ईसिप्प. भारावि // 582 // परमाणुपोग्गले गं भंते ! लोगस्स पुरथिमिल्लाओ चरिमंताओ पच्चस्थिमिल्लं चरिमंतं एगसमएणं गच्छइ, पच्चस्थिमिल्लाओ चरिमंताओ पुरथिमिल्लं चरिमंतं एगसमएणं गच्छइ, दाहिणिल्लाओ चरिमंताओ उत्तरिल्लं जाव गच्छइ, उत्तरिल्लाओ चरिमंताओ दाहिणिल्लं चरिमंतं जाव गच्छइ, उवरिल्लाओ चरिमंताओ हेदिल्लं चरिमंतं जाव एवं गच्छइ, हेट्ठिलाओ चरिमंताओ उवरिल्लं चरिमंतं एगसमएणं गच्छइ ? हंता गोयमा ! परमाणु. पोग्गले णं लोगस्स पुरथिमिल्लं तं चेव जाव उवरिल्लं चरिमंतं गच्छइ // 583 // पुरिसे गं भंते ! वासं वासइ णो वासइत्ति हत्थं वा पायं वा बाई वा ऊरुं वा आउंटावेमाणे वा पसारेमाणे वा कइकिरिए ? गोयमा ! जावं च पं से पूरिसे वासं वासई वासं णो वासईइ हत्थं वा जाव ऊरु वा आउंटावेइ वा पसारेइ वा तावं च णं से पुरिसे काइयाए जाव पंचहि किरियाहिं पुढे // 584 // देवे गं भंते ! महिड्डिए जाव महेसक्खे लोगंते ठिच्चा पभू अलो. गंसि हत्थं वा जाव ऊरुं वा आउंटावेत्तए वा पसारेत्तए वा ? णो इणठे समठे / से केण→णं. भंते ! एवं वुच्चइ-देवे णं महिड्डिए जाव महेसक्खे लोगंते ठिच्चा णो पभू अलोगंसि हत्थं वा जाव पसारेत्तए वा ? गोयमा ! जीवाणं आहारोवचिया पोग्गला बोंदिचिया पोग्गला कलेवरचिया पोग्गला पोग्गलामेव पप्प जीवाण य अजीवाण य गइपरियाए आहिज्जइ. अलोए णं णेवस्थि जीवा णेवत्थि पोग्गला से तेणठेणं जाव पसारेत्तए वा / सेवं भंते ! 2 त्ति // 585 // सोलसमं सयं णवमो उद्देसो कहिण्णं भंते ! बलिस्स वइरोयणिदस्स वइरोयणरण्णो सभा सुहम्मा प०? गोयमा ! जंबुद्दीवे दीवे मंदरस्स पव्वयस्स उत्तरेणं तिरियमसंखेज्जे जहेव चमरस्स जाव बायालीसं जोयणसहस्साई ओगाहित्ता एत्थ णं बलिस्स वइरोय. णिदस्स वइरोयणरण्णो रुगिदे णाम उप्पायपव्वए पण्णत्ते, सत्तरस एक्कवीसे
