________________ 842 अंग-पविट्ठ सुत्ताणि पणाइण्णे समणसंघे तं०-समणा समणीओ सावया सावियाओ 5, जणं समणे भगवं महावीरे एगं महं पउमसरं जाव पडिबुद्धे, तण्णं समणे भगवं महावीरे चउविहे देवे पण्णवेइ, तं०-भवणवासी वाणमंतरे जोइसिए वेमाणिए 6, जण्णं समणे भगवं महावीरे एगं महं सागरं जाव पडिबुद्धे, तण्णं समणेणं भगवया महावीरेणं अणाईए अणवदग्गे जाव संसारकंतारे तिण्णे 7, जण्णं समणे भगवं महावीरे एगं महं दिणयरं जाव पडिबद्धे, तण्णं समणस्स भगवओ महावीरस्स अणते अणुत्तरे णिवाघाए णिरावरणे कसिणे परिपुण्णे केवलवरणागदंसणे समुप्पण्णे 8, जण्णं समणे जाव वीरे एगं महं हरिवेरुलिय जाव पडिबुद्धे, तण्णं समणस्स भगवओ महावीरस्स ओराला कित्तिवण्णसद्दसिलोया सदेवमणुयासुरे लोए परिभमंति-इति खलु समणे भगवं महावीरे इति खलु समणे भगवं महावीरे 6, जणं समणे भगवं महावीरे मंदरे पन्वए मंदर. चूलियाए जाव पडिबुद्धे, तण्णं समणे भगवं महावीरे सदेवमणुयासुराए परिसाए मज्झगए केवलीपण्णत्तं धम्मं आघवेइ जाव उवदंसेइ // 578 // इत्थी वा पुरिसे वा सुविणंते एगं महं हयपति वा गयति वा जाव वसभपति वा पासमाणे पासइ, दुरूहमाणे दुरूहइ, दुरूढमिइ अप्पाणं मण्णइ, तक्खणामेव बुज्झइ, तेणेव भवग्गहणणं सिज्झइ जाव अंतं करेइ / इत्थी वा पुरिसे वा सुविणंते एगं महं दामिणि पाईणपडीणाययं दुहओ समुद्दे पुढें पासमाणे पासइ, संवेल्लेमाणे संवेल्लेइ, संवेल्लियमिइ अप्पाणं मण्णइ, तक्खणामेव बुज्झइ, तेणेव भवरगहणणं जाव अतं करेइ / इत्थी वा पुरिसे वा सुविणते एवं महं रज्जु पाईणपडीणाययं दुहओ लोगंते पुठं पासमाणे पासइ, छिदमाणे छिदइ, छिण्णमिइ अप्पाणं मण्णइ, तक्खणामेब जाव अंतं करेइ / इत्थी वा पुरिसे वा सुविणंते एगं महं किण्हसुत्ता वा जाव सुक्किल्लसुत्तगं या पासमाणे पासइ, उग्गोवेमाणे उग्गोवेइ, उग्गोवियमिइ अप्पाणं मण्णइ, तक्खणामेव जाव अंतं करेइ / इत्थी वा पुरिसे वा सुविणंते एगं महं अयरासि वा तंबरासि वा तउय रासि वा सीसगरासि वा पासमाणे पासइ, दुरूहमाणे दुरूहइ, दुरूढमिइ अप्पाणं मण्णइ, तक्खणामेव बुज्झइ, दोच्चेणं भवग्गहणेणं सिज्झइ जाव अंतं करेइ / इत्थी वा पुरिसे वा सुविणंते एगं महं हिरणरासि वा सुवण्णरासि वा रयणरासि वा वइररासि वा पासमाणे पासइ, दुरूहमाणे दुरूहइ, दुरूढमिइ अप्पाणं मण्णइ, तक्खणामेव बुज्झइ, तेणेव भवग्हणणं सिज्झइ जाव अंतं
