________________ भगवई स. 16 उ. 6 841 जाव वक्कममाणंसि एएसि चोद्दसण्हं महासुविणाणं अण्णयरे सत्त महासुविणे पासित्ताणं पडिबुज्झंति / बलदेवमायरो पुच्छा, गोयमा ! बलदेवमायरो जाव एएसि चोद्दसण्हं महासुविणाणं अण्णयरे चत्तारि महासुविणे पासित्ताणं पडिबुज्झंति / मंडलियमायरो णं भंते ! पुच्छा, गोयमा ! मंडलियमायरो जाव एएसि चोद्दसण्हं महासुविणाणं अण्णयरं एगं महासुविणं जाव पडिबुज्झंति // 577 // समणे भगवं महावीरे छउमत्थकालियाए अंतिमराइयंसि इमे दस महासुविणे पासित्ताणं पडिबुद्धे, तं०-एगं च णं महं घोररूवदित्तधरं तालपिसायं सुविणे पराजियं पासित्ताणं पडिबुद्धे 1, एगं च णं महं सुकिल्लपक्खगं पुंसकोइलगं सुविणे पासित्ताणं पडिबुद्धे 2, एगं च णं महं चित्तविचित्तपक्खगं पुंस. कोइलगं सुविणे पासित्ताणं पडिबुद्धे 3, एगं च णं महं दामदुगं सवरयणामयं सुविणे पासित्ताणं पडिबुद्ध 4, एगं च णं महं सेयं गोवग्गं सुविणे पासित्ताणं पडिबुद्धे 5, एगं च णं महं पउमसरं सव्वओ समंता कुसुमियं सुविणे पासित्ताणं पडिबुद्धे 6, एगं च णं महं सागरं उम्मीवीईसहस्सकलियं भुयाहि तिण्णं सुविणे पासित्ताणं पडिबुद्धे 7, एगं च णं महं दिणयरं तेयसा जलंतं सुविणे पासित्ताणं पडिबुद्धे 8, एगं च णं महं हरिवेरुलियवण्णाभेणं णियगेणं अंतेणं माणुसुत्तरं पव्वयं सव्वओ समंता आवेढियं परिवेढियं सुविणे पासित्ताणं पडिबुद्धे 6, एगं च णं महं मंदरे पव्वए मंदरचूलियाए उरि सीहासणवरगयं अप्पाणं सुविणे पासित्ताणं पडिबुद्धे 10 / जण्णं समणे भगवं महावीरे एगं महं घोररूवदित्त. धरं तालपिसायं सुविणे पराजियं पासित्ताणं पडिबुद्धे, तण्णं समणेणं भगवया महावीरेणं मोहणिज्जे कम्मे मूलाओ उग्घाइए 1, जणं समणे भगवं महावीरे एगं महं सुकिल्ल जाव पडिबुद्धे, तणं समणे भगवं महावीरे सुक्कज्झाणोव. गए विहरइ 2, जण्णं समणे भगवं महावीरे एगं महं चित्तविचित्त जाव पडि. बुद्धे, तण्णं समणे भगवं महावीरे विचित्तं ससमयपरसमइयं दुवालसंगं गणि. पिडगं आघवेइ पण्णवेइ परूवेइ दंसेइ णिदंसेइ उवदंसेइ, तंजहा-आयारं सूयगडं जाव दिट्टिवायं 3, जणं समणे भगवं महावीरे एगं महं दामदुगं सव्वरयणामयं सुविणे पासित्ताणं पडिबुद्धे, तण्णं समणे भगवं महावीरे दुविहं धम्मं पण्णवेइ, तं०-आगारधम्म वा अणागारधम्मं वा 4, जणं समणे भगवं महावीरे एगं महं सेयगोवग्गं जाव पडिबुद्धे, तण्णं समणस्स भगवओ महावीरस्स चाउव.
