________________ 840 840 अंग-पविट्ठ सुत्ताणि सोलसमं सयं छट्ठो उद्देसो कइविहे णं भंते ! सुविणदंसणे पण्णत्ते ? गोयमा ! पंचविहे सुविणदंसणं पण्णत्ते, तंजहा-अहातच्चे पयाणे चितासुविणे तविवरीए अवत्तदंसणे / सुत्ते णं भंते ! सुविणं पासइ, जागरे सुविणं पासइ, सुतजागरे सुविणं पासइ ? गोयमा ! णो सुत्ते सुविणं पासइ णो जागरे सुविणं पासइ, सुत्तजागरे सुविणं पासइ / जीवा णं भंते ! कि सुत्ता जागरा सुत्तजागरा ? गोयमा ! जीवा सुत्तावि जागरावि सुत्तजागरावि। रइया णं भंते ! कि सुत्ता० पुच्छा, गोयमा! णेरइया सुत्ता णो जागरा णो सुत्तजाँगरा, एवं जाव चरिदिया / पंचिदिय तिरिक्खजोणिया णं भंते ! कि सुत्ता० पुच्छा, गोयमा ! सुत्ता णो जागरा सुत्तजागरावि, मणुस्सा जहा जीवा, वाणमंतरजोइसियवेमाणिया जहा णेरड्या . // 576 // संवुडे णं भंते ! सुविणं पासइ. असंवुडे सुविणं पासइ, संवुडासंवुडे सुविणं पासइ ? गोयमा ! संवडेवि सुविणं पासइ, असंवडेवि सुविणं पासइ, संवुडासंबुडे वि सुविणं पासइ, संवुडे सुविणं पासइ अहातच्चं पासइ, असंवुडे सुविणं पासइ तहा वा तं होज्जा अण्णहा वा तं होज्जा, संयुडामंडे सुविणं पासइ एवं चेव / जीवा णं भंते ! कि संवुडा असंवडा संवुडासंधुडा ? गोयमा ! जीवा संवुडाधि असंखुडावि संवडासंवडावि, एवं जहेव सुत्ताणं दंडओ तहेव भाणियव्यो / कइ णं भंते ! सुविणा पण्णता ? गोयमा ! बायालीसं सुविणा पण्णत्ता / कइ पं भंते ! महासुविणा पण्णता ? गोयमा ! ती महा. सुविणा पण्णत्ता / कइ णं भंते ! सम्बसुविणा पण्णता ? गोयमा ! बावतार सव्वसुविणा पण्णता / तित्थय रमायरो णं भंते ! तित्थयरंसि गन्भं ववकममा. सि कइ महासुविगे पासित्ता णं पडिबुज्झंति ? गोयमा ! तित्थयरमायरो तित्थयरंसि गब्भं वक्कममाणंसि एएसि तीसाए महासुविणाणं इमे चोदरा महासुविणे पासित्ताणं पडिबुज्झति, तं०-गयउसभसीहअभिसेय जाब सिहि च / चक्कवट्टिमायरो णं भंते ! चक्कट्टिसि गब्भं वक्कममाणंसि कइ महासुमिणे पासित्ताणं पडिबुज्झंति ? गोयमा ! चक्कट्टिमायरो चक्कट्टिसि जाव वक्कममाणंसि एएसि तीसाए महासुविणाणं एवं जहा तित्थयर. मायरो जाव सिहि च / वासुदेवमायरो णं पुच्छा, गोयमा ! वासुदेवमायरो
