________________ भगवई स. 16 उ. 5 839 जाव परिसा पडिगया। तए णं से गंगदत्ते गाहावई मुणिसुव्वयस्स अरहओ अंतियं धम्म सोच्चा णिसम्म हट्ठतुट्ठ उट्ठाए उठेइ 2 ता मुणिसुव्वयं अरहं वंदइ णमंसइ वंदित्ता णमंसित्ता एवं वयासी-सद्दहामि णं भंते ! णिग्गंथं पावयणं जाव से जहेयं तुब्भे वदह, ज णवरं देवाणुप्पिया ! जेटपुत्तं कुबे ठावेमि, तए णं अहं देवाणुप्पियाणं अंतियं मुंडे जाव पव्वयामि / अहासुहं देवाणुप्पिया! मा पडिबंध / तए णं से गंगदत्ते गाहावई मुणिसुव्वएणं अरहया एवं वुत्ते समाणे हद्वतुट्ट० मुणिसुव्वयं अरहं वंदइ णमंसइ वं० 2 ता मुणिसुव्वयस्स अरहओ अंतियाओ सहसंबवणाओ उज्जाणाओ पडिणिक्खमइ 2 ता जेणेव हत्थिणापुरे णयरे जेणेव सए गिहे तेणेव उवागच्छइ 2 ता विउलं असणं पाणं जाव उवक्खडावेइ 2 त्ता मित्तणाइणियग जाव आमंतेइ आमंतेत्ता तओ पच्छा व्हाए जहा पूरणे जाव जेट्टपुत्तं कुटुंबे ठावेइ, तं मित्तणाइ जाव जेट्टपुत्तं च आपुच्छइ 2 ता पुरिससहस्सवाहिणि सीयं दुरूहइ पुरिससह० 2 ता मित्तणाइणियग जाव परिजणेणं जेट्टपुत्तेणं य समणुगम्ममाणमग्गे सविड्ढीए जाव णाइयरवेणं हत्थिणापुरं णयरं मझमझेणं णिग्गच्छइ 2 ता जेणेव सहसंबवणे उज्जाणे तेणेव उवागच्छइ 2 ता छत्ताइए तित्थगराइसए पासइ एवं जहा उदायणे जाव सयमेव आभरणे उमुयइ स० 2 ता सयमेव पंचमुट्ठियं लोयं करेइ स०२ त्ता जेणेव मुणिसुव्वए अरहा एवं जहेव उदायणे तहेव पव्वइए, तहेव एक्का. रस अंगाई अहिज्जइ जीव मासियाए संलेहणाए सट्ठि भत्ताइं अणसणाए छेदेइ ट्ठि भत्ताइं० 2 ता आलोइयपडिक्कते समाहिपत्ते कालमासे कालं किच्चा महासुक्के कप्पे महासामाणे विमाणे उववायसभाए देवसयणिज्जसि जाव गंगदत्तदेवत्ताए उववण्णे। तए णं से गंगदत्ते देवे अहुणोववण्णमेत्तए समाणे पंचविहाए पज्जत्तीए पज्जत्तिभावं गच्छइ, तंजहा-आहारपज्जत्तीए जाव भासामणपज्जत्तीए, एवं खलु गोयमा ! गंगदत्तेणं देवेणं सा दिव्वा देविड्ढी जाव अभिसमण्णागया। गंगदत्तस्स णं भंते ! देवस्स केवइयं कालं ठिई पण्णत्ता ? गोयमा ! सत्तरस सागरोवमाई ठिई प० / गंगदत्त णं भंते ! देवे ताओ देव. लोगाओ आउक्खएणं जाव महाविदेहे वासे सिज्झिहिइ जाव अंतं काहिइ / सेवं भंते ! सेवं भंते ! त्ति // 575 //
