________________ 838 अंग-पविटु सुत्ताणि गंगदत्तादि ! समणे भगवं महावीरे गंगदत्तं देवं एवं वयासी-अहंपि णं गंगदत्ता! एवमाइक्खामि ४-परिणममाणा पोग्गला जाव णो अपरिणया सच्चमेसे अछे। तए णं से गंगदत्ते देवे समणस्स भगवओ महावीरस्स अंतियं एयमढं सोच्चा णिसम्म हट्टतुट्ठ० समणं भगवं महावीरं वंदइ णमंसइ वं० 2 ताणच्चासण्णे जाव पज्जुवासइ / तए णं समणे भगवं महावीरे गंगदत्तस्स देवस्स तीसे य जाव धम्म परिकहेइ जाव आराहए भवइ / तए णं से गंगदत्ते देवे समणस्स भगवओ महावीरस्स अंतिए धम्म सोच्चा णिसम्म हट्ठतुठे उट्ठाए उठेइ उ० 2 त्ता समणं भगवं महावीरं वंदइ णमंसइ वं० 2 त्ता एवं वयासी-अहण्णं भंते ! गंगदत्ते देवे किं भवसिद्धिए अभवसिद्धिए ? एवं जहा सूरियाभो जाव बत्तीसइ. विहं पट्टविहिं उवदंसेइ 2 ता जाव तामेव दिसि पडिगए // 574 // भंते ! त्ति भगवं गोयमे समणं भगवं महावीरं जाव एवं वयासी-गंगदत्तस्स णं भंते ! देवस्स सा दिव्या देविड्ढी दिव्वा देवजुई जाव अणुप्पविट्ठा ? गोयमा ! सरीरं गया सरीरं अणुप्पविट्ठा कूडागारसालादिळंतो जाव सरीरं अणुप्पविट्ठा / अहो णं भंते ! गंगदत्ते देवे महिड्डिए जाव महेसक्खे / गंगदत्तेणं भंते ! देवेणं सा दिव्वा देविड्ढी दिव्वा देवजई किण्णा लद्धा जावं जं णं गंगदत्तेणं देवेणं सा दिव्वा देविड्ढी जाव अभिसमण्णागया ? गोयमादि ! समणे भगवं महावीरे भगवं गोयम एवं वयासी-एवं खल गोयमा ! तेणं कालेणं तेणं समएणं इहेव जंबद्दीवे 2 भारहे वासे हथिणापुरे णाम जयरे होत्था वण्णओ, सहसंबवणे उज्जाणे वण्णओ, तत्थ णं हत्थिणापुरे पयरे गंगदत्ते णाम गाहावई परिवसइ अड्ढे जाव अपरिभूए / तेणं कालेणं तेणं समएणं मुणिसुव्वए अरहा आइगरे जाव सवण्णू सव्वदरिसी आगासगएणं चक्केणं जाव पकड्डिज्जमाणेणं 2 सीसगणसंपरिवुडे पुत्वाणुपुचि चरमाणे गामाणुगामं जाव जेणेव सहसंबवणे उज्जाणे जाव विहरइ, परिसा णिग्गया जाव पज्जुवासइ / तए णं से गंगदत्ते गाहावई इमीसे कहाए लद्धठे समाणे हट्टतुट जाव कयबलि जाव सरीरे साओ गिहाओ पडि. णिक्खमइ 2 ता पायविहारचारेणं हस्थिणारं यरं मज्झंमज्झेणं णिग्गच्छइ 2 त्ता जेणेव सहसंबवणे उज्जाणे जेणेव मुणिसुव्वए अरहा तेणेव उवागच्छइ 2 त्ता मुणिसुव्वयं अरहं तिक्खुत्तो आयाहिणं पयाहिणं जाव तिविहाए पज्जुवासणाए पज्जुवासइ / तए णं मुणिसुव्वए अरहा गंगदत्तस्स गाहावइस्स तीसे य महइ
