________________ भगवई स. 16 उ. 5 837 उक्खित्तपसिणवागरणाई पुच्छइ 2 ता संभंतियवंदणएणं वंदइ णमंसइ वं० 2 ताजाव पडिगए ? गोयमादि ! समणे भगवं महावीरे भगवं गोयमं एवं वयासीएवं खलु गोयमा ! तेणं कालेणं तेणं समएणं महासुक्के कप्पे महासामाणे विमाणे दो देवा महिड्डिया जाव महेसक्खा एगविमाणंसि देवत्ताए उववण्णा, तं०-माइमिच्छदिद्विउववण्णए य अमाइसम्मदिदिउववण्णए य, तए णं से माइमिच्छदिट्ठिउववण्णए देवे तं अमाइसम्मदिट्ठिउववण्णगं देवं एवं वयासी-परिणममाणा पोग्गला णो परिणया अपरिणया, परिणमंतीति पोग्गला णो परिणया अपरिणया, तए णं से अमाइसम्मदिदिउववण्णए देवे तं माइमिच्छदिदिउववण्णगं देवं एवं वयासी-परिणममाणा पोग्गला परिणया णो अपरिणया, परिणमंतीति पोग्गला परिणया णो अपरिणया। तं माइमिच्छदिट्ठिउववण्णगं देवं एवं पडिहणइ 2 त्ता ओहिं पउंजइ 2 ता ममं ओहिणा आभोएइ ममं० 2 ता अयमेयारूवे जाव समुप्पज्जित्था-एवं खलु समणे भगवं महावीरे जंबुद्दीवे 2 जेणेव भारहे वासे जेणेव उल्लयतीरे णयरे जेणेव एगजंबुए चेइए अहापडिरूवं जाव विहरइ, तं सेयं खलु मे समणं भगवं महावीरं वंदित्ता जाव पज्जवासित्ता इमं एयारूवं वागरणं पुच्छित्तएत्तिकटु एवं संपेहेइ एवं संपेहित्ता चउहिवि सामाणियसाहस्सोहि परियारो जहा सूरियाभस्स जाव णिग्घोसणाइ. यरवेणं जेणेव जंबहीवे 2 जेणेव भारहे वासे जेणेव उल्लयतीरे णयरे जेणेव एगजंबुए चेइए जेणेव ममं अंतिए तेणेव पहारेत्थ गमणाए / तए णं से सक्के देविदे देवराया तस्स देवस्स तं दिव्वं देविड्डि दिव्वं देवजुइं दिव्वं देवाणुभागं दिव्वं तेयलेस्सं असहमाणे ममं अट्ट उक्खित्तपसिणवागरणाइं पुच्छइ 2 ता संभंतिय० जाव पडिगए // 573 // जावं च णं समणे भगवं महावीरे भगवओ गोयमस्स एयमलैं परिकहेइ तावं च णं से देवे तं देसं हव्वमागए / तए णं से देवे समणं भगवं महावीर तिक्खुत्तो वंदइ णमंसइ वं० 2 ता एवं वयासीएवं खलु भंते ! महासुक्के कप्पे महासामाणे विमाणे एगे माइमिच्छदिट्टिउववण्णए देवे ममं एवं वयासी-परिणममाणा पोग्गला णो परिणया अपरिणया, परिणमंतीति पोग्गला णो परिणया अपरिणया, तए णं अहं तं माइमिच्छदिट्टिउववष्णगं देवं एवं वयासी-परिणममाणा पोग्गला परिणया णो अपरिणया, परिणमंतीति पोग्गला परिणया णो अपरिणया, से कहमेयं भंते ! एवं ?
