________________ 836 अंग-पविट्ठ सुत्ताणि मेहावी पिउणसिप्पोवगए एगं महं सामलिगंडियं उल्लं अजडिलं अगंठिल्लं अचिक्कणं अवाइद्धं सपत्तियं तिक्खेण परसुणा अक्कमेज्जा, तए णं से पुरिसे णो महंताई 2 सद्दाई करेइ, महंताई 2 दलाई अवद्दालेइ, एवामेव गोयमा ! समणाणं णिग्गंथाणं अहाबायराई कम्माई सिढिलीकयाई णिट्ठियाई कयाइं जाव खिप्पामेव परिविद्धत्थाई भवंति, जावइयं तावइयं जाव महापज्जवसाणा भवंति, से जहा वा केइ पुरिसे सुक्कतणहत्थगं जायतेयंसि पक्खिवेज्जा, एवं जहा छ?सए तहा अयोकवल्लेवि जाव महापज्जवसाणा भवंति, से तेणठेणं गोयमा ! एवं वच्चइ जावइयं अण्णगिलायए समणे णिगंथे कम्मं णिज्जरेइ तं चेव जाव वासकोडाकोडीए वा णो खवयंति / सेवं भंते ! सेवं भंते ! ति जाव. विहरइ // 571 // ____ सोलसमं सयं पंचमो उद्देसो तेणं कालेणं तेणं समएणं उल्लुयतीरे णामं णयरे होत्था वण्णओ, एग. जंबुए चेइए वण्णओ, तेणं कालेणं तेणं समएणं सामी समोसढे जाव परिसा पज्ज. वासइ तेणं कालेणं तेणं समएणं सक्के देविदे देवराया वज्जपाणी एवं जहेव बिइयउद्देसए तहेव दिवेणं जाणविमाणेणं आगओ जाव जेणेव समणे भगवं महावीरे तेणेव उवागच्छइ 2 ता जाव णमंसित्ता एवं वयासी-देवे गं भंते ! महिड्डिए जाव महेसक्खे बाहिरए पोग्गले अपरियाइत्ता पभू आगमित्तए ? णो इणट्टे समठे / देवे णं भंते ! महिड्डिए जाव महेसक्खे बाहिरए पोग्गले परियाइत्ता पभ आगमित्तए ? हंता पभू / देवे णं भंते ! महिड्डिए एवं एएणं अभिलावेणं गमित्तए 2, एवं भासित्तए वा वागरित्तए वा 3, उम्मिसावेत्ताए वा णिम्मिसावेत्तए वा 4, आउंटावेत्तए वा पसारेत्तए वा 5, ठाणं वा सेज्ज वा णिसीहियं वा चेइत्तए वा 6, एवं विउवित्तए वा 7, एवं परियारावेत्तए वा 8 जाव हंता पभू , इमाइं अट्ट उक्खित्तपसिणवागरणाई पुच्छइ इमाइं० 2 त्ता संभंतियवंदणएणं वंदइ संभंतिय० 2 ता तमेव दिव्वं जाणविमाणं दुरूहइ 2 ता जामेव दिसि पाउन्भए तामेव दिसि पडिगए // 572 // भंते ! ति भगवं गोयमे समणं भगवं महावीरं वंदइ णमंसइ वं० 2 ता एवं वयासीअण्णया गं भंते ! सक्के देविदे देवराया देवाण प्पियं वंदइणमंसइ सक्कारेइ जाव पज्जवासइ, किण्णं भंते ! अज्ज सक्के देविदे देवराया देवाणप्पियं अटू
