________________ भगवई स. 16 उ.७ 843 करेइ / इत्थी वा पुरिसे वा सुविणंते एगं महं तणरासि वा जहा तेयणिसग्गे जाव अवकररासि वा पासमाणे पासइ, विक्खिरमाणे विक्खिरइ, विकिण्णमिइ अप्पाणं मण्णइ, तक्खणामेव बुज्झइ, तेणेव जाव अंतं करेइ / इत्थी वा पुरिसे वा सुविणंते एगं महं सरथंभं वा वीरणथंभं वा वंसीमूलथंभं वा वल्लीमूलथंभं वा पासमाणे पासइ, उम्मलेमाणे उम्मलेइ, उम्मूलियमिइ अप्पाणं मण्णइ, तक्खणामेव बुज्झइ, तेणेव जाव अंतं करेइ / इत्थी वा पुरिसे वा सुविणंते एगं महं खीरकुंभं वा दहिकुंभं वा घयकुंभं वा महुकुंभं वा पासमाणे पासइ, उप्पाडेमाणे उप्पाडेइ, उप्पाडियमिइ अप्पाणं मण्णइ, तक्खणामेव बुज्झइ, तेणेव जाव अंतं करेइ / इत्थी वा पुरिसे वा सुविणंते एगं महं सुरावियडकुंभं वा सोवीरवियडकुंभं वा तेल्लकुंभं वा वसाकुंभं वा पासमाणे पासइ, भिवमाणे भिदइ, भिण्णमिइ अप्पाणं मण्णइ, तक्खणामेव बज्झइ, दोच्चेणं भवग्गहणेणं जाव अंतं करेइ / इत्थी वा पुरिसे वा सुविणंते एगं महं पउमसरं कुसुमियं पासमाणे पासइ, ओगाहेमाणे ओगाहेइ, ओगाढमिइ अप्पाणं मण्णइ, तक्ख. णामेव बुज्झइ, तेणेव जाव अंतं करेइ / इत्थी वा जाव सुविणंते एगं महं सागरं उम्मीवीई जाव कलियं पासमाणे पासइ, तरमाणे तरइ,तिण्णमिइ अप्पाणं मण्णइ, तक्खणामेव बुज्झइ, तेणेव जाव अंतं करेइ / इत्थी वा जाव सुविणंते एगं महं भवणं सव्वरयणामयं पासमाणे पासइ, अणुप्पविसमाणे अणुप्पविसइ, अणुप्पविटमिइ अप्पाणं मण्णइ, तक्खणामेव बुज्झाइ, तेणेव जाव अंतं करेइ। इत्थी वा पुरिसे वा सुविणंते एगं महं विमाणं सव्वरयणामयं पासमाणे पासइ, दुरूहमाणे दुरूहइ, दुरूढमिइ अप्पाणं मण्णइ, तक्खणामेव बुज्झइ, तेणेव जाव अंतं करेइ // 576 // अह भंते ! कोट्टपुडाण वा जाव केयईपुडाण वा अणुवायंसि उभिज्जमाणाण वा जाव ठाणाओ वा ठाणं संकामिज्जमाणाणं कि कोठे वाइ जाव केयई वाइ ? गोयमा ! णो कोठे वाइ जाव णो केयई वाइ, घाणसहगया पोग्गला वाइ / सेवं भंते ! सेवं भंते ! ति॥५८०॥ सोलसमं सयं सत्तमो उद्देसो कइविहे गं भंते ! उवओगे पण्णत्ते ? गोयमा! दुविहे उवओगे पण्णत्ते, एवं जहा उवओगपयं पण्णवणाए तहेव णिरवसेसं भाणियव्वं, पासणयापयं च गिरवसेसं णेयव्वं / सेवं भंते ! सेवं भंते ! त्ति // 581 //
