________________ 820 अंग-पविट्ठ सुत्ताणि गंधोदएणं व्हाणेति तं देव जाव महया इड्ढीसक्कारसमुदएणं गोसालस्स मंखलिपुत्तस्स सरीरगस्स णीहरणं करेंति // 555 // तए णं समणे मगवं महा. वीरे अण्णया कयाइ सावत्थीओ णयरीओ कोयाओ चेइयाओ पडिणिक्खमइ 2 ता बहिया जणवयविहारं विहरइ / तेणं कालेणं तेणं समएणं मेंढियगामे णामं णयरे होत्था वण्णओ, तस्स गं मढियगामस्स णयरस्स बहिया उत्तरपुरस्थिमे दिसीभाए एत्थ णं सालकोट्टए णामं चेइए होत्था वण्णओ जाव पुढविसिला. पट्टओ, तस्स णं सालकोटगस्स चेइयरस अदूरसामंते एत्थ णं महेगे मालुयाकच्छए यावि होत्था किण्हे किण्होभासे जाव णिकुरुंबभूए पत्तिए पुप्फिए फलिए हरियगरेरिज्जमाणे सिरीए अईव 2 उव सोभेमाणे 2 चिट्ठइ / तत्थ णं मेंढिय. गामे णयरे रेवई णाम गाहावइणी परिवसइ अड्डा जाव अपरिभूया, तए णं समणे भगवं महावीरे अण्णया कयाइ पुवाणुपुति चरमाणे जाव जेणेव मेंढिय. गामे णयरे जेणेव सालकोट्रए चेइए जाव परिसा पडिगया। तए णं समणस्स भगवओ महावीरस्स सरीरगंसि विउले रोगायंके पाउब्भ ए उज्जले जाव दुरहि. यासे पित्तज्जरपरिगयसरीरे दाहवक्कंतीए यावि विहरइ, अवियाई लोहिय. वच्चाईपि पकरेइ, चाउवणं वागरेइ-एवं खलु संमणे भगवं महावीरे गोसा. लस्स मंखलिपुत्तस्स तवेणं तेएणं अण्णाइठे समाणे अंतो छण्हं मासाणं पित्तज्जर. परिगयसरीरे दाहदक्कंतीए छउमत्थे चेव कालं करिस्सइ / तेणं कालेणं तेणं समएणं समणस्स भगवओ महावीरस्स अंतेवासी सीहे णाम अणगारे पगइभहए जाव विणीए मालुयाकच्छगस्स अदूरसामंते छठेंछठेणं अणिक्खित्तेणं तवो. कम्मेणं उडढं बाहाओ जाव विहरइ / तए णं तस्स सीहस्स अणगारस्स झाणंत. रियाए वट्टमाणस्स अयमेयारूवे जाव समुप्पज्जित्था-एवं खलु ममं धम्मायरियस्स धम्मोवएसगस्स समणस्स भगवओ महावीरस्स सरीरगसि विउलेरोगायंके पाउ. भूए उज्जले जाव छउमत्थे चेव कालं करेस्सइ, वदिस्संति य णं अण्णतित्थिया छउमत्थे चेव कालगए, इमेणं एयारूवेणं महया मणोमाणसिएणं दुक्खेणं अभिभए समाणे आयावणभमीओ पच्चोरहइ आया० 2 त्ता जेणेव मालयाकच्छए तेणेव उवागच्छइ 2 ता मालुयाकच्छयं अंतो 2 अणुप्पविसइ मालुया० 2 ता महया 2 सद्देणं कुहुकुहुस्स परुण्णे / अज्जोत्ति ! समणे भगवं महावीरे समणे जिग्गंथे आमतेइ 2 ता एवं वयासी-एवं खलु अज्जो ! ममं अंतेवासी सीहे
