________________ भगवई स. 15 घायए समणमारए समणपडिणीए आयरियउवज्झायाणं अयसकारए अवण्णकारए अकित्तिकारए बहूहि असब्भावुब्भावाहि मिच्छत्ताभिणिवेसेहि य अप्पाणं वा परं वा तदुभयं वा वुग्गाहेमाणे वुप्पाएमाणे विहरित्ता सएणं तेएणं अण्णाइट्ठे समाणे अंतो सत्तरत्तस्स पित्तज्जरपरिगयसरीरे दाहवक्कंतीए छ उ. मत्थे चेव कालं करेस्सं, समणे भगवं महावीरे जिणे जिणप्पलावी जाव जिणसई पगासेमाणे विहरइ, एवं संपेहेइ एवं संपेहिता आजीविए थेरे सद्दावेइ आ० 2 ता उच्चावयसवहसाविए पकरेइ उच्चा० 2 त्ता एवं वयासी-णो खलु अहं जिणे जिणप्पलावी जाव पगासेमाणे विहरइ, अहण्णं गोसाले मंखलिपुत्ते समणघायए जाव छउमत्थे चेव कालं करेस्स, समणे भगवं महावीरे जिणे जिणप्पलावी जाव जिणसई पगासेमाणे विहरइ, तं तुब्भे गं देवाणुप्पिया ! ममं कालगयं जाणित्ता वामे पाए संबेणं बंधह वा० 2 ता तिक्खुतो मुहे उट्ठभह ति० 2 ता सावत्थीए णयरीए सिंघाडग जाव पहेसु आकड्डविकड्डि करेमाणा महया 2 सद्देणं उग्घोसेमाणा 2 एवं वयह-णो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए, एस गं गोसाले चेव मंखलिपुत्ते समणघायए जाव छ उमत्थे चेव कालगए, समणे भगवं महावीरे जिणे जिणप्पलावी जाव विहरइ, महया अणिड्ढीअसक्कारसमुदएणं ममं सरीरगस्स णीहरणं करेज्जाह, एवं वदित्ता कालगए // 554 // तए णं आजीविया थेरा गोसालं मंखलिपत्तं कालगयं जाणित्ता हालाहलाए कुंभकारीए कुंभकारावणस्स दुवाराई पिहेंति दु० 2 ता हालाहलाए कुंभकारीए कुंभकारावणस्स बहुमज्झदेसभाए साथि गरि आलिहंति सा० 2 त्ता गोसालस्स मंखलिपुत्तस्स सरीरगं वामे पाए संबेणं बंधंति वा० 2 ता तिक्खुत्तो मुहे उट्ठभंति 2 ता सावत्थीए णयरीए सिंघाडग जाव पहेसु आकविकट्टि करेमाणा णीयं 2 सद्देणं उग्घोसेमाणा 2 एवं वयासीणो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरए, एस गं गोसाले चेव मंखलिपुत्ते समणघायए जाव छ उमत्थे चेव कालगए, समणे भगवं महावीरे जिणे जिणप्पलावी जाव विहरइ, सवहपडिमोक्खणगं करेंति स०२ ता दोच्चंपि पूयासक्कारथिरीकरणट्टयाए गोसालस्स मंखलिपुत्तस्स वामाओ पायाओ सुंबं मुयंति सु० ता हालाहलाए कुंभकारीए कुंभकारावणस्स दुवारवयणाई अवगुणंति 2 ता गोसालस्स मंखलिपुत्तस्स सरीरगं सुरभिणा
