________________ 818 अंग-पविट्ट सुत्ताणि त्ता जेणेव गोसाले मंखलिपुत्ते तेणेव पहारेत्थ गमणाए / तए णं ते आजीविया थेरा गोसालस्स मंखलिपुत्तस्स अंबकणगएडावणट्टयाए एगंतमंते संगारं कुवंति / तए णं से गोसाले मंखलिपुत्ते आजीवियाणं थेराणं संगारं पडिच्छइ 2 ता अंबकणगं एगंतमंते एडेइ / तए गं से अयंपुले आजीवियोवासए जेणेव गोसाले मंखलिपुत्ते तेणेव उवागच्छइ उवागच्छित्ता गोसालं मंखलिपुत्तं तिक्खुत्तो जाव पज्जुवासइ / अयंपुलाइ ! गोसाले मंखलिपुत्ते अयंपुलं आजीवियोवासगं एवं वयासी-से गूणं अयंपुला ! पुन्वरत्तावरत्तकालसमयंसि जाव जेणेव मम अंतियं तेणेव हवमागए, से णणं अयंपुला ! अट्ठे समठे ? हंता अस्थि, तं णो खलु एस अंबकणए अंबचोयए णं एसे, किसंठिया हल्ला पण्णता? वसीमूलसंठिया हल्ला पण्णत्ता / वीणं वाएहि रे वीरगा ! वी० 2 / तए णं से अयंपुले आजीवियोवासए गोसालेणं मखलिपुत्तेणं इमं एयारूवं वागरणं वागरिए समाणे हट्टतुट्ठ जाव हियए गोसालं मंखलिपुत्तं बंदइ णमंसइ वं० 2 ता पसिणाई पुच्छइ 2 ता अट्ठाई परियादियइ अ० ता उट्ठाए उठेइ उ० 2 ता गोसालं मखलिपुत्तं वंदइ णमंसइ वं० 2 ता जाव पडिगए / तए णं से गोसाले मंखलिपुत्ते अप्पणो मरणं आभोएइ 2 ता आजीचिए थेरे सद्दावेइ आ० 2 ता एवं क्यासी-तुन्भे गं देवाणुप्पिया ! ममं कालगयं जाणित्ता सुरभिणा गंधोदएणं ण्हाणेह सु० 2 त्ता पम्हलसुकुमालाए गंधकासाईए गायाई लहेह गा० 2 त्ता सरसेणं गोसीसचंदणेणे गायाई अलिपह स० 2 ता महरिहं हंसलक्खणं पडसाडगं णियंसेह मह० 2 ता सव्वालंकारविभूसियं करेह स० 2 ता पुरिस. सहस्सवाहिणि सीयं दुरूहेह पुरि० ता सावत्थीए णयरीए सिंघाडग जाव पहेसु महया-महया सद्देणं उग्धोसेमाणा 2 एवं वयह-एवं खलु देवाणुप्पिया ! गोसाले मंखलिपुत्ते जिणे जिणप्पलावी जाव जिणसई पगासेमाणे विहरित्ता इमीसे ओसप्पिणीए चउवीसाए तित्थयराणं चरिमे तित्थयरे सिद्धे जाव सव्वदुक्खप्पहोणे, इड्ढीसक्कारसमुदएणं ममं सरीरगस्स णीहरणं करेह / तए णं ते आजी. विया थेरा गोसालस्स मंखलिपुत्तस्स एयमढें विणएणं पडिसुणेति // 553 // तए णं तस्स गोसालस्स मंखलिपुत्तस्स सत्तरत्तंसि परिणममाणंसि पडिलद्धसम्म. तस्स अयमेयारूवे अज्झस्थिए जाव समुप्पज्जित्था-णो खलु अहं जिणे जिणप्पलावी जाव जिणसई पगासेमाणे विहरइ, अहं गं गोसाले चेव मंखलिपुत्ते समण
