________________ भगवई स. 15 8 17 कुंभकारावणंसि आजीवियसंघसंपरिबुडे आजीवियसमएणं अप्पाणं भावेमाणे विहरइ, तं सेयं खलु मे कल्लं जाव जलते गोसालं मंखलिपुतं वंदित्ता जाव पज्जवासित्ता इमं एयारूवं वागरणं वागरित्तए त्ति कटु एवं संपेहेइ संपेहिता कल्लं जाव जलंते व्हाए कय० जाव अप्पमहग्घाभरणालंकियसरीरे साओ गिहाओ पडिणिक्खमइ सा० 2 ता पायविहारचारेणं सात्थि णरि मज्झं. मझेणं जेणेव हालाहलाए कुंभकारीए कुंभकारावणे तेणेव उवागच्छइ 2 ता गोसालं मंखलिपुत्तं हालाहलाए कुंभकारीए कुंभकारावगंसि अंबकूणगहस्थगयं जाव अंजलिकम्मं करेमाणं सीयलएणं मट्टिया जाव गायाई परिसिंचमाणं पासइ 2 ता लज्जिए विलिए विड्डे सणियं 2 पच्चोसक्कइ / तए णं ते आजीविया थेरा अयंपुलं आजीवियोवासगं लज्जियं जाव पच्चीसकमाणं पासेइ 2 ता एवं वयासी-एहि ताव अयंपुला! एतओ। तए णं से अयंपुले आजीवियोवासए आनीवियथेरेहिं एवं वृत्ते समाणे जेणेव आजीविया थेरा तेणेव उवागच्छइ उवागच्छित्ता आजीविए. थेरे वंदई णमंसइ वं० 2 ता पच्चासणे जाव पज्जवासइ / अयंपुलाइ ! आजीविया थेरा अयंपुलं आजीवियोवासगं एवं वयासी-से - Yणं ते अयंपुला ! पुन्धरत्तावरत्तकालसमयंसि जाव किसंठिया हल्ला पण्णत्ता ? तए णं तव अयंपुला ! दोच्चंपि अयमेया० तं चेव सव्वं भाणियव्वं जाव सावस्थि णार मज्झमज्झेणं जेणेव हालाहलाए कुंभकारीए कुंभकारावणे जेणेव इहं तेणेव हवमागए, से गणं ते अयंपुला ! अढे समठे ? हंता अत्थि. / जंपि य अयंपुला! तव धम्मायरिए धम्मोवएसए गोसाले मंखलिपुत्ते हालाहलाए कुंभकारीए कुंभकारावणंसि अंबकूगगहत्थगए जाव अंजलि करेमाणे विहरइ, तत्थवि णं भगवं इमाइं अट्ठ. चरिमाइं पण्णवेइ, तं०-चरिमे पाणे जाव अंतं करेस्सइ, जंपि य अयंपुला ! तव धम्मायरिए धम्मोवएसए गोसाले मंखलिपुत्ते सीयलएणं मट्टिया जाव विहरइ, तत्थवि णं भगवं इमाइं चत्तारि पाणगाइं चत्तारि अपाणगाइं पण्णवेइ, से किं तं पाणए ? पाणए जाव तओ पच्छा सिज्झइ जाव अंतं करेइ, तं गच्छह णं तुमं अयंपुला ! एस चेव तव धम्मायरिए धम्मोवएसए गोसाले मंखलिपुत्ते इमं एयारूवं वागरणं वागरेहिति / तए णं से अयंपुले आजी. वियोवासए आजीविएहि थेरेहिं एवं वुत्ते समाणे हद्वतुट्ठ० उट्ठाए उठेइ उ०२
