________________ 816 अंग-पविट्ठ सुत्ताणि जंपि य अज्जो ! गोसाले मंखलिपुत्ते सीयलएणं मट्टियापाणएणं आयंचणिउद. एणं गायाइं परिसिंचमाणे विहरइ, तस्सवि य णं वज्जस्स पच्छादणद्वयाए इमाई चत्तारि पाणगाइं चत्तारि अपाणगाइं पण्णवेइ / से कि तं पाणए ? पाणए चउ. विहे पण्णत्ते, तंजहा-गोपुट्ठए, हत्थमद्दियए, आयवतत्तए, सिलापब्भट्ठए, सेत्तं पाणए / से कि तं अपाणए ? अपाणए चउविहे पण्णत्ते, तंजहा-थालपाणए, तयापाणए सिबलिपाणए सुद्धपाणए / से कि तं थालपाणए ? 2 जणं दाथालगं वा दावारगं वा दाकुंभगं वा दाकलसं वा सीयलगं उल्लगं होहिं परामुसइ ण य पाणियं पियइ, सेत्तं थालपाणए / से कि तं तयापाणए ? 2 जण्णं अंब वा अंबाडगं वा जहा पओगपए जाव बोरं वा तिदुरुयं वा तरुणगं वा आभगं वा आसगंसि आवीलेइ वा पवीलेइ वा ण य पाणियं पियइ, सेत्तं तयापाणए / से कि तं सिबलिपाणए ? 2 जणं कलसंगलियं वा मुग्गसंगलियं वा माससंगलियं वा सिबलिसंगलियं वा तरुणियं आमियं आसगंसि आवीलेइ वा पवीलेइ वा ण य पाणियं पियइ, सेत्तं सिबलिपाणए / से कि तं सुद्धपाणए ? सुद्धपाणए जणं छम्मासे सुद्धखाइमं खाइ दो मासे पुढविसंथारोवगए दो मासे कट्ठसंथा. रोवगए दो मासे दब्भसंथारोवगए, तस्स गं बहुपडिपुण्णाणं छण्हं मासाणं अंतिमराईए इमे दो देवा महिड्डिया जाव महेसक्खा अंतियं पाउब्भवंति, तं०पुण्णभद्दे य माणिभद्दे य / तए णं ते देवा सीयलएहिं उल्लएहिं हत्थेहिं गायाई परामसंति, जे णं ते देवे साइज्जइ से णं आसीविसत्ताए कम्मं पकरेइ, जे णं ते देवे णो साइज्जइ तस्स णं संसि सरीरगंसि अगणिकाए संभवइ, से णं सएणं तेएणं सरीरगं झामेइ स० 2 ता तओ पच्छा सिज्झइ जाव अंतं करेइ, सेतं सुद्धपाणए / तत्थ णं सावत्थीए णयरीए अयंपुले णामं आजीविओवासए परि. वसइ अड्ढे जाव अपरिभए जहा हालाहला जाव आजीवियसमएणं अप्पाणं भावेमाणे विहरइ / तए णं तस्स अयंपुलस्स आजीविओवासगस्स अण्णया कयाइ पुव्वरतावरत्तकालसमयंसि कुडुंबजागरियं जागरमाणस्स अयमेयारूवे अज्झस्थिए जाव समुप्पज्जित्था-किसंठिया हल्ला पण्णत्ता ? तए णं तस्स अयंपुलस्स आजीविओवासगस्स दोच्चंपि अयमेयारूवे अज्झथिए जाव समुप्पज्जित्था-एवं खलु ममं धम्मायरिए धम्मोवएसए गोसाले मंखलिपुत्ते उप्पण्णणागदसणधरे जाव सम्बण्णू सव्वदरिसी इहेव सावत्थीए णयरीए हालाहलाए कुंभकारीए
