________________ 815 भगवई स. 15 रिज्जमाणं अट्ठेहि य हेऊहि य जाव कीरमाणं आसुरुत्तं जाव मिसिमिसेमाणं समणाणं णिग्गंथाणं सरीरगस्स किंचि आबाहं वा वाबाहं वा छविच्छेदं वा अकरेमाणं पासंसि 2 ता गोसालस्स मंखलिपुत्तस्स अंतियाओ आयाए अवक्क. मंति आयाए अवक्कमित्ता जेणेव समणे भगवं महावीरे तेणेव उवागच्छंति ते. 2 ता समणं भगवं महावीरं तिक्खुत्तो आयाहिणं पयाहिणं० वंदंति णमंसंति वं० 2 ता समणं भगवं महावीरं उवसंपज्जित्ताणं विहरंति, अत्थेगइया आजी. विया थेरा गोसालं चेव मंखलिपुत्तं उवसंपज्जित्ताणं विहरति / तए णं से गोसाले मंखलिपुत्ते जस्सट्टाए हव्वमागए तमढं असाहेमाणे रुंदाई पलोएमाणे दीहुण्हाई णीससमाणे दाढियाए लोमाए लुंचमाणे अवडं कंडूयमाणे पुर्याल पप्फोडेमाणे हत्थे विणिद्धणमाणे दोहिवि पाएहिं भूमि कोट्टेमाणे हाहा अहो ! हओऽहमस्सीतिकट्ट समणस्स भगवओ महावीरस्स अंतियाओ कोट्टयाओ चेइयाओ पडिणिक्खमइ 2 ता जेणेव सावत्थी णयरी जेणेव हालाहलाए कुंभकारीए कुंभकारावणे तेणेव उवागच्छइ ते० 2 ता हालाहलाए कुंभकारीए कुंभकारावणंसि अंबकूणगहत्थगए मज्जपाणगं पियमाणे अभिक्खणं गायमाणे अभिक्खणं णच्चमाणे अभिक्खणं हालाहलाए कुंभकारीए अंजलिकम्मं करे. माणे सीयलएणं मट्टियापाणएणं आयंचणिउदएणं गायाइं परिसिंचमाणे विहरइ // 552 // अज्जोत्ति ! समणे भगवं महावीरे समणे णिग्गंथे आमंतेत्ता एवं वयासी-जावइएणं अज्जो ! गोसालेणं मंखलिपुत्तेणं ममं वहाए सरीरगंसि तेए णिसट्टे से णं अलाहि पज्जत्ते सोलसण्हं जणवयाणं, तं०-अंगाणं वंगाणं मगहाणं मलयाणं मालवगाणं अच्छाणं वच्छाणं कोच्छाणं पाढाणं लाढाणं वज्जीणं मोलीणं कासीणं कोसलाणं अवाहाणं सुंभुत्तराणं घायाए वहाए उच्छादणयाए भासीकरणयाए, जंपि य अज्जो ! गोसाले मंखलिपुत्ते हाला. हलाए कुंभकारीए कुंभकारावणंसि अंबकणगहत्थगए मज्जपाणं पियमाणे अभिक्खणं जाव अंजलिकम्मं करेमाणे विहरइ, तस्सवि य णं वज्जस्स पच्छा. दणट्ठयाए इमाइं अट्ठ चरिमाइं पण्णवेइ, तंजहा-चरिमे पाणे, चरिमे गए, चरिमे गट्टे, चरिमे अंजलिकम्मे, चरिमे पोक्खलसंवट्टए महामेहे, चरिमे सेयणए गंघहत्थी, चरिमे महासिलाकंटए संगामे, अहं च णं इमीसे ओसप्पि. णीए चउवीसाए तित्थयराणं चरिमे तित्थयरे सिज्झिस्सं जाव अंतं करेस्सं ति,
