________________ 814 अंग-पविट्ठ सुत्ताणि समाणे अंतो छण्हं मासाणं जाव कालं करिस्सामि, अहणं अण्णाई सोलस वासाइं जिणे सुहत्थी विहरिस्सामि / तुम णं गोसाला! अप्पणा चेव सएणं तेएणं अण्णाइठे समाणे अंतो सत्तरत्तस्स पित्तज्जरपरिगयसरीरे जाव छउमत्थे चेव कालं करिस्ससि / तए णं सावत्थीए णयरीए सिंघाडग जाव पहेसु बहुजणो अण्णमण्णस्स एवमाइक्खइ जाव एवं परूवेइ-एवं खलु देवाणुप्पिया! सावत्थीए णयरीए बहिया कोटुए चेइए दुवे जिणा संलवंति, एगे एवं वयंति-तुम पुन्वि कालं करिस्ससि एगे एवं वयंति तुमं पुब्वि कालं करिस्ससि, तत्थ णं के पुण सम्मावाई के पुण मिच्छावाई ? तत्थ णं जे से अहप्पहाणे जणे से वयइ-समणे भगवं महावीरे सम्मावाई गोसाले मखलिपुत्ते मिच्छावाई / अज्जोत्ति ! समणे भगवं महावीरे समणे णिग्गंथे आमंतेत्ता एवं वयासी-अज्जो ! से जहाणामए तणरासीइ वा कट्टरासीइ वा पत्तरासीइ वा तयारासीइ वा तुसरासीइ वा भसरासीइ वा गोमयरासीइ वा अवकररासीइ वा अगणिज्झामिए अगणिज्झसिए अगणिपरिणामिए हयतेए गयतेए णट्टतेए भट्टतेए लुत्ततेए विणटुतेए जाव एवा. मेव गोसाले मंखलिपुत्ते ममं वहाए सरीरगंसि तेयं णिसिरित्ता हयतेए गयतेए जाव विणढतेए जाए, तं छंदेणं अज्जो ! तुब्भे गोसालं मंखलिपुत्तं धम्मयाए पडिचोयणाए पडिचोएह धम्मि० 2 ता धम्मियाए पडिसारणाए पडिसारेह धम्मि० 2 ता धम्मिएणं पडोयारेणं पडोयारेह धम्मि० 2 त्ता अठेहि य हेहि य पसिणेहि य वागरणेहि य कारणेहि य णिप्पटुपसिणवागरणं करेह / तए णं ते समणा णिग्गंथा समणेणं भगवया महावीरेणं एवं वृत्ता समाणा समणं भगवं महावीरं वदंति णमंसंति वंदित्ता णमंसित्ता जेणेव गोसाले मंखलिपुत्ते तेणेव उवागच्छंति तेणेव उवागच्छित्ता गोसालं मंखलिपुत्तं धम्मियाए पडिचोयणाए पडिचोएंति ध० 2 त्ता धम्मियाए पडिसारणाए पडिसारेंति ध० 2 ता धम्मि. एणं पडोयारेणं पडोयारेति ध० 2 त्ता अठेहि य हेऊहि य कारणेहि य जाव वागरणं करेंति / तए ण से गोसाले मंखलिपुत्ते समणेहि णिग्गंथेहि धम्मियाए पडिचोयणाए पडिचोइज्जमाणे जाव णिप्पट्रपसिणवागरणे कीरमाणे आसुरुत्ते जाव मिसिमिसेमाणे णो संचाएइ समणाणं णिग्गंथाणं सरीरगस्स किंचि आबाहं वा वाबाहं वा उप्पाएत्तए छविच्छेदं वा करेत्तए / तए णं ते आजीविया थेरा गोसालं मखलिपुत्तं समणेहि णिग्गंहिं धम्मियाए पडिचोयणाए पडिचोएज्ज. माणं धम्मियाए पडिसारणाए पडिसारिज्जमाणं धम्मिएणं पडोयारेणं पडोया
