________________ 813 भगवई स. 15 सव्वाणुभूई तहेव जाव सच्चेव ते सा छाया णो अण्णा। तए णं से गोसाले मंखलिपुत्ते सूणक्खत्तेणं अणगारेगं एवं वृत्त समाणे आसुरुत्ते 5 सुणक्खत्तं अणगारं तवेणं तेएणं परितावेइ / तए णं से सुणक्खत्ते अणगारे गोसालेणं मखलि. पुत्तणं तवेणं तेएणं परिताविए समाणे जेणेव समणे भगवं महावीरे तेणेव उवा. गच्छइ 2 ता समणं भगवं महावीरं तिक्खुत्तो आयाहिणं पयाहिणं करेइ 2 त्ता वंदद णमसइ वं० 2 त्ता सयमेव पंच महव्वयाई आरुहेइ स० 2 ता समणा य समणीओ य खामेइ सम० 2 ता आलोइयपडिक्कते समाहिपत्ते आणुपुवीए कालगए / तए णं से गोसाले मंखलिपुत्ते सुणक्खत्तं अणगारं तवेणं तेएणं परितावेत्ता तच्चंपि समणं भगवं महावीरं उच्चावयाहि आउसणाहि आउसइ सव्वं तं चेव जाव सुहं णत्थि / तए णं समणे भगवं महावीरे गोसालं मंखलिपुत्तं एवं वयासी-जेवि ताव गोसाला! तहारूवस्स समणस्स वा माहणस्स वा तं चेव जाव पज्जुवासइ, किमंग पुण गोसाला! तुम मए चेव पव्वाविए जाव मए चेव बहुस्सुईकए ममं चेव मिच्छं विप्पडिवण्णे ?तं मा एवं गोसाला ! जाव णो अण्णा / तए णं से गोसाले मंखलिपुत्ते समणेणं भगवया महावीरेणं एवं वत्ते समाणे आसुरुत्ते 5 तेयासमुग्घाएणं समोहण्णइ तेया० 2 त्ता सत्तटुपयाई पच्चोसक्कइ 2 ता समणस्स भगवओ महावीरस्स वहाए सरीरगंसि तेयं णिसिरइ, से जहाणामए वाउक्कलियाइ वा वायमंडलियाइ वा सेलसि वा कुटुंसि वा थंभंसि वा थभंसि वा आवरिज्जमाणी वा णिवारिज्जमाणी वा सा णं तत्थ णो कमइ णो पक्कमइ, एवामेव गोसालस्सवि मंखलिपुत्तस्स तवे तेए -समणस्स भगवओ महावीरस्स वहाए सरीरगंसि णिसिट्ठे समाणे से गं तत्थ जो कमइ णो पक्कमइ, अंचिर्याच करेइ अंचि० 2 ता आयाहिणं पयाहिणं करेइ आ० 2 ता उड्ढं वेहासं उप्पइए, से णं तओ पडिहए, पडिणियत्ते समाणे तमेव गोसालस्स मंखलिपुत्तस्स सरीरगं अण्डहमाणे 2 अंतो 2 अणुप्पविठे / तए णं से गोसाले मंखलिपुत्ते सएणं तेएणं अण्णाइट्ठे समाणे समणं भगवं महावीरं एवं वयासी-तुमं णं आउसो ! कासवा ! ममं तवेणं तेएणं अण्णाइठे समाणे अंतो छण्हं मासाणं पित्तज्जरपरिगयसरीरे दाहवक्क. तोए छउमत्थे चेक कालं करिस्ससि / तए गं समणे भगवं महावीरे गोसालं मंखलिपुत्तं एवं वयासी-णो खलु अहं गोसाला ! तव तवेणं तेएणं अण्णाइट्ठे
