________________ 812 अंग-पविट्ठ सुत्ताणि दुग्गंवा णिणं वा पव्वयं वा विसमं वा अणस्साएमाणे एगेण महं उग्णालोमेण वा सणलोमेण वा कप्पासपम्हेण वा तणसूएण वा अत्ताणं आवरेत्ताणं चिट्ठज्जा, से णं अणावरिए आवरियमिति अप्पाणं मण्णइ, अप्पच्छण्णे य पच्छण्णमिति अप्पाणं मण्णइ, अणिलुक्के णिलुक्कमिति अप्पाणं मण्णइ, अपलाए पलायमिति अप्पाणं मण्णइ, एवामेव तुमंपि गोसाला ! अणण्णे संते अण्णमिति अप्पाणं उपलभसि, तं मा एवं गोसाला ! णारिहसि गोसाला ! सच्चेव ते सा छाया णो अण्णा // 550 // तए णं से गोसाले मंखलिपुत्ते समणेणं भगवया महावीरेणं एवं वुत्ते समाणे आसुरुत्ते 5 समणं भगवं महावीरं उच्चावयाहि आउसणाहिं आउसइ उच्चा० 2 ता उच्चावयाहि उद्धंसणाहिं उद्धंसेइ उद्धंसेत्ता उच्चावयाहिं णिभंछणाहिं णिभंछेइ उ० 2 ता उच्चावयाहिं णिच्छोडणाहिं णिच्छोडेइ उ० 2 ता एवं वयासी-णठेसि कयाइ, विणठेसि कयाइ, भट्टेसि कयाइ, गटविणभट्टेसि कयाइ, अज्ज ण भवसि णाहि ते ममाहितो सुहमत्थि // 551 // तेणं कालेणं तेणं समएणं समणस्स भगवओ महावीरस्स अंतेवासी पाईणजाणवए सव्वाणु भई णामं अणगारे पगइभदए जाव विणीए धम्मायरियाणुरागेणं एयमझें असद्दहमाणे उट्ठाए उठेइ उ० ता जेणेव गोसाले मंखलिपुत्ते तेणेव उवागच्छइ 2 त्ता गोसालं मंखलिपुत्तं एवं वयासी-जेवि ताव गोसाला! तहारूवस्स समणस्स वा माहणस वा अंतियं एगमवि आरियं धम्मियं सुवयणं णिसामेइ सेवि ताव तं वंदइ णमंसइ जाव कल्लाणं मंगलं देवयं चेइयं पज्जुवासइ, किमंग पुण तुम गोसाला! भगवया चेव पव्वाविए. भगवया चेव मुंडाविए, भगवया चेव सेहाविए, भगवया चेव सिक्खाविए, भगवया चेव बहुस्सुईकए, भगवओ चेव मिच्छं विप्पडिवण्णे, तं मा एवं गोसाला ! णारिहसि गोसाला! सच्चेव ते सा छाया णो अण्णा / तए णं से गोसाले मंखलिपुत्ते सव्वाणुभूइणामेणं अणगारेणं एवं वुत्ते समाणे आसुरुत्ते 5 सव्वाणुभूई अणगारं तवेणं तेएणं एगा. हच्चं कूडाहच्चं जाव भासरासि करेइ / तए णं से गोसाले मंखलिपुत्ते सव्वाणु. भई अणगारं तवेणं तेएणं एगाहच्चं कूडाहच्चं जाव भासरासि करेत्ता-दोच्चंपि समणं भगवं महावीरं उच्चावयाहि आउसणाहि आउसइ जाव सुहं णस्थि / तेणं कालेणं तेणं समएणं समणस्स भगवओ महावीरस्स अंतेवासी कोसलजाणवए सुणक्खत्ते णाम अणगारे पगइभद्दए जाव विणीए धम्मायरियाणुरागेणं जहा
