________________ भगवई स. 15 8 11 चेइयंसि उदाइस्स कुंडियायणस्स सरीरं विप्पजहामि उदा० 2 ता एणेज्जगस्स सरीरगं अणुप्पविसामि एणे० 2 ता बावीसं वासाइं पढमं पउट्टपरिहारं परिहरामि, तत्थ णं जे से दोच्चे पउट्टपरिहारे से गं उदंडपुरस्स णयरस्स बहिया चंदोयरणंसि चेइयंसि एणेज्जगस्स सरीरगं विप्पजहामि 2 त्ता मल्ल. रामस्स सरीरगं अणप्पविसामि मल्ल० 2 ता एकवीसं वासाइं दोच्चं पउट्टपरिहारं परिहरामि, तत्थ णं जे से तच्चे पउट्टपरिहारे से णं चंपाए णयरीए बहिया अंगमंदिरंमि चेइयंसि मल्लरामस्स सरीरगं विप्पजहामि मल्ल. 2 त्ता मंडियस्स सरीरगं अणुप्पविस्सामि मंडि० २त्ता वीसं वासाइं तच्चं पउट्ट. परिहारं परिहरामि, तत्थ णं जे से चउत्थे पउपरिहारे से णं वाणारसीए णयरीए बहिया काममहावणंसि चेइयंसि मंडियस्स सरीरगं विप्पजहामि मंडि० 2 ता रोहस्स सरीरगं अणुप्पविसामि रोह. 2 ता एकणवीसं वासाई चउत्थं पउट्टपरिहारं परिहरामि, तत्थ णं जे से पंचमे पउट्टपरिहारे से गं आलभियाए णयरीए बहिया पत्तकालगंसि चेइयंसि रोहस्स सरीरगं विप्पजहामि रोह०२ ता भारद्दाइस्स सरीरगं अणुप्पविसामि भा० 2 ता अट्ठारस वासाई पंचम पउट्टपरिहारं परिहरामि, तत्थ णं जे से छठे पउट्टपरिहारे से णं वेसालीए णयरीए बहिया कोंडियायणंसि चेइयंसि भारद्दाइस्स सरीरगं विप्पजहामि भा० 2 ता अज्जणगस्स गोयमपुत्तस्स सरीरगं अणुप्पविसामि अ० 2 ता सत्तरस वासाइं छठें पउट्टपरिहारं परिहरामि, तत्थ णं जे से सत्तमे पउट्टपरिहारे से गं इहेवं सावत्थीए णयरीए हालाहलाए कुंभकारीए कुंभकारावणंसि अज्जणगस्स गोयमपुत्तस्स सरीरगं विप्पजहामि अज्जणगस्स० 2 त्ता गोसालस्स मंखलिपुत्तस्स सरीरगं अलं थिरंधुवं धारणिज्जं सीयसहं उण्हसहं खुहासह विविह दसमसगपरीसहोवसग्गसह थिरसंघयणंतिकट्ट तं अणप्पविसामि 2 ता तं सोलस वासाई इमं सत्तमं पउट्टपरिहारं परिहरामि, एवामेव आउसो! कासवा! एगेणं तेत्तीसेणं वाससएणं सत्त पउट्टपरिहारा परिहरिया भवंतीति मक्खाया, तं सुटठ णं आउसो ! कासवा ! ममं एवं वयासी-साह णं आउसो ! कासवा! ममं एवं वयासी-गोसाले मंखलिपुत्ते ममं धम्मंतेवासित्ति गोसाले० 2 // 546 // तए णं समणे भगवं महावीरे गोसालं मंखलिपुत्तं एवं वयासी-गोसाला ! से जहाणामए तेणए सिया गामेल्लएहिं परब्भमाणे 2 कत्थ य गहुं वा दरि वा
