________________ 810 अंग-पविट्ट सुत्ताणि एगमेगं गंगावालुयं अवहाय जावइएणं कालेणं से कोठे खीणे णीरए णिल्लेवे णिट्ठिए भवइ, सेत्तं सरे सरप्पमाणे, एएणं सरप्पमाणेणं तिण्णि सरसयसाहस्सीओ से एगे महाकप्पे, चउरासीइं महाकप्पसयसहस्साइं से एगे महामाणसे, अणंताओ संजू हाओ जीवे चयं चइत्ता उवरिल्ले माणसे संजूहे देवे उववज्जइ, से गं तत्थ दिव्वाइं भोगभोगाइं भंजमाणे विहरइ विहरित्ता ताओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता पढमे सण्णिगन्भे जीवे पच्चायाइ, से णं तओहितो अणंतरं उव्वट्टित्ता मज्झिल्ले माणसे संजूहे देवे उववज्जइ, से णं तत्थ दिव्वाइं भोगभोगाइं भुंजमाणे जाव विहरित्ता ताओ देवलोगाओ आउखएणं 3 जाव चईत्ता दोच्चे सण्णिगन्मे जीवे पच्चायाइ, से णं तओहितो अणंतरं उध्वट्टित्ता हेटिल्ले माणसे संजूहे देवे उववज्जइ, से णं तत्थ दिव्वाई जाव चइत्ता तच्चे सष्णिगब्भे जीवे पच्चायाइ, से णं तओहितो जाव उव्वट्टित्ता उवरिल्ले माणुसुत्तरे संजू हे देवे उववज्जइ, से णं तत्थ दिवाई भोग जाव चइत्ता चउत्थे सण्णिगन्भे जीवे पच्चायाइ, से गं तओहितो अणंतरं उव्वट्टित्ता मज्झिल्ले माणसुत्तरे संजहे देवे उववज्जइ, से णं तत्थ दिव्वाइं भोग जाव चइत्ता पंचमे सण्णिगभे जीवे पच्चायाइ, से णं तओहितो अणंतरं उव्वद्वित्ता हिदिल्ले माणसुत्तरे संजहे देवे उववज्जइ, से गं तत्थ दिव्वाइं भोग जाव चइत्ता छठे सण्णिगन्भे जीवे पच्चायाइ, से णं तओहितो अणंतरं उव्वट्टित्ता बंभलोगेणामं से कप्पे पण्णत्ते, पाईणपडीणायए उदीण. दाहिणविच्छिण्णे जहा ठाणपए जाव पंच वडेंसगा प०, तंजहा-असोगवडेंसए जाव पडिरूवा, से णं तत्थ देवे उववज्जइ, से णं तत्थ दस सागरोवमाइं दिव्वाई भोग जाव चइत्ता सत्तमे सण्णिगन्भे जीवे पच्चायाइ, से णं तत्थ णवण्हं मासाणं बहुपडिपुग्णाणं अट्ठमाण जाव वीइक्कंताणं सुकुमालगभद्दलए मिउ. कुंडलकुंचियकेसए मट्ठगंडतलकण्णपीढए देवकुमारसमप्पभए दारए पयायइ, सेणं अहं कासवा! लए णं अहं आउसो ! कासवा! कोमारियाए पव्वज्जाए कोमारएणं बंभचेरवासेणं अविद्धकण्णए चेव संखाणं पडिलभामि सं० 2 ता इमे सत्त पउट्ट. परिहारे परिहरामि, तंजहा-एणेज्जस्स, मल्लरामस्स, मंडियस्स, रोहस्स, भारहाइस्स, अज्जुणगस्स गोयमपुत्तस्स, गोसालस्स मंखलिपुत्तस्स, तत्थ गंजे से पढमे पउट्टपरिहारे से णं रायगिहस्स णयरस्स बहिया मंडियकुच्छिसि 9.
