________________ भगवई स. 15 एयमढें परिकहेहि, तं मा णं अज्जो ! तुब्भं केइ गोसालं मखलिपुत्तं धम्मि. याए पडिकोयणाए पडिचोएउ जाव मिच्छं विप्पडिवणे // 548 // जावं च गं आणंदे थेरे गोयमाईणं समणाणं णिग्गंथाणं एयमठे परिकहेइ तावं च णं से 'गोसाले मंखलिपुत्ते हालाहलाए कुंभकारीए कुंभकारावणाओ पडिणिक्खमइ पडिणिक्खमित्ता आजीवियसंघसंपरिवुडे भहया अमरिसं वहमाणे सिग्घं तुरियं जाव सावस्थि गरि मज्झमझेणं णिग्गच्छइ 2 ता जेणेव कोट्टए चेइए जेणेव समणे भगवं महावीरे तेणेव उवागच्छइ ते० 2 ता समणस्स भगवओ महावीरस्स अदूरसामते ठिच्चा समणं भगवं महावीरं एवं वयासी-सुठ्ठ गं आउसो! कासवा ! ममं एवं वयासी साहू णं आउसो ! कासवा ! ममं एवं वयासीगोसाले मंखलिपुत्ते ममं धम्मतेवासी गोसाले० 2, जे णं गोसाले मंखलिपुत्ते तव धम्मंतेवासी से णं सुक्क सुक्काभिजाइए भवित्ता कालमासे कालं किच्चा अण्णयरेसु देवलोएसु देवत्ताए उववणे, अहणं उदाई णामं कुंडियायणीए अज्जणस्स गोयमपुत्तस्स सरीरगं विप्पजहामि अ० 2 त्ता गोसालस्स मंखलिपुत्तस्स सरीरगं अणुप्पविसामि गो०२ ता इमं सत्तमं पउट्टपरिहारं परिहरामि, जेवि आई आउसो ! कासवा ! अम्हं समयंसि केइ सिज्झिसु वा सिझंति वा सिन्झिस्संति वा सव्वे ते चउरासीइं महाकप्पसयसहस्साई सत्त दिव्वे सत्त संज हे सत्त सण्णिगन्भे सत्त पउट्टपरिहारे पंच कम्मणिसयसहस्साइं सष्टुिं च सहस्साई छच्च सए तिण्णि य कम्मसे अणुपुव्वेणं खवइत्ता तओ पच्छा सिझंति बुज्झति मुच्चंति परिणिव्वायंति सव्वदुक्खाणमंतं करिसु वा करेंति वा करिस्संति वा, से जहा वा गंगा महाणई जओ पवूढा जहिं वा पज्जुवत्थिया एस गं अद्धपंचजोयणसयाई आयामेणं अद्धजोयणं विक्खं भेणं पंच धणुसयाई उव्वेहेणं एएणं गंगापमाणेणं सत्त गंगाओ सा एगा महागंगा, सत्त महागंगाओ सा एगा साईणगंगा, सत्त साईणगंगाओ सा एगा मच्चुगंगा, सत्त मच्चुगंगाओ सा एगा लोहियगंगा सत्त लोहियगंगाओ सा एगा आवईगंगा, सत आवई. गंगाओ सा एगा परमावई, एवामेव सपुत्वावरेणं एगं गंगासयसहस्सं सत्तर सहस्सा छच्चगुणपण्णं गंगासया भवंतीति मक्खाया, तासि दुविहे उद्धारे पण्णत्ते, तंजहा-सुहमबोंदिकलेवरे चेव बायरबोंदिकलेवरे चेव, तत्थ णं जे से सुहमबोंदिकलेवरे से ठप्पे, तत्थ णं जे से बायरबोंदिकलेवरे तओ णं वाससए 2 गए 2
