________________ 808 अंग-पविटु सुत्ताणि उवमियं णिसामेहि, तए णं अहं गोसालेणं मंखलिपुत्तेणं एवं वृत्तै समाणे जेणेव हालाहलाए कुंभकारीए कुंभकारावणे जेणेव गोसाले मंखलिपुत्ते तेणेव उवागच्छामि, तए णं से गोसाले मंखलिपुत्ते ममं एवं वयासी-एवं खलु आणंदा! इओ चिराईयाए अद्धाए केइ उच्चावया वणिया एवं तं चेव सव्वं गिरवसेसं भाणियव्वं जाव णियगं णयरं साहिए तं गच्छ णं तुमं आणंदा ! तव धम्मा. यरियस्स धम्मोवएसगस्स जाव परिकहेहि // 546 // तं पभू णं भंते ! गोसाले मंखलिपुत्ते तवेणं तेएणं एगाहच्चं कूडाहच्वं भासरासि करेत्तए, विसए णं भंते ! गोसालस्स मंखलिपुत्तस्स जाव करेत्तए, समत्थे णं भते ! गोसाले पंखलिपुत्ते तवेणं जाव करेत्तए ? पभ णं आणंदा ! गोसाले मंखलिपुत्ते तवेणं जाव करेत्तए, विसए णं आणंदा! गोसालस्स जाव करेत्तए, समत्थे णं आगंदा! गोसाले जाव करेत्तए, णो चेव णं अरिहंते भगवंते, परियावणियं पुण करेज्जा, जाव. इएणं आणंदा ! गोसालस्स मंखलिपुत्तस्स तवतेए एत्तो अणंतगुणविसिटुतराए चेव तवतेए अणगाराणं भगवंताणं, खंतिखमा पुण अणगारा भगवंतो, जावइ. एणं आणंदा ! अणगाराणं भगवंताणं तवतेए एत्तो अणंतगुणविसिद्रुतराए चेव तवतेए थेराणं भगवंताणं, खंतिखमा पुण थेरा भगवंतो, जावइएणं आणंदा! थेराणं भगवंताणं तवतेए एत्तो अणंतगुणविसिद्धितराए चेव तवतेए अरिहंताणं भगवंताणं, खंतिखमा पुण अरहंता भगवंतो, तं पभू णं आणंदा ! गोसाले मंखलिपुत्ते तवेणं तेएणं जाव करेत्तए, विसए णं आणंदा ! जाव करेत्तए, समत्थे गं आणंदा ! जाव करेत्तए, णो चेव णं अरिहंते भगवंते, पारियावणियं पुण करेज्जा // 547 // तं गच्छ णं तुमं आणंदा ! गोयमाईणं समणाणं णिग्गंथाणं एयमट्ठ परिकहेहि-मा णं अज्जो ! तुब्मं केई गोसाल मंखलिपुत्तं धम्मियाए पडिचोयणाए पडिचोएउ, धम्मियाए पडिसारणाए पडिसारेउ, धम्मिएणं पड़ो. यारेणं पडोयारेउ, गोसाले णं मखलिपुत्ते समणेहि णिग्गंहि मिच्छं विप्पडि. वणे / तए णं से आणंदे थेरे समणेणं भगवया महावीरेणं एवं वुत्ते समाणे समणं भगवं महावीरं वंदइ णमंसइ वं० 2 ता जेणेव गोयमाइसमणा णिग्गंथा तेणेव उवागच्छइ 2 ता गोयमाइसमणे णिग्गंथे आमंतेइ 2 ता एवं वयासीएवं खलु अज्जो ! छटुक्खमणपारणगंसि समणेणं भगवया महावीरेणं अब्भणुण्णाए समाणे सावत्थीए णयरीए उच्चणीय० तं चेव सव्वं जाव णायपुत्तस्स
