________________ भगवई स. 15 8 07 अइकायमहाकायं मसिमूसाकालगं णयणविसरोसपुण्णं अंजणपुंजणिगरप्पगासं रत्तच्छं जमलजुयलचंचलचलंतजोहं धरणितलवेणिभूयं उक्कडफुडकुडिलजडुल. कक्खडविकडफडाडोवकरणदच्छं लोहागरधम्ममाणधमधमेतघोसं अणागलिय. चंडतिव्वरोसं समुहिं तुरियं चवलं धर्मतं दिट्ठिविसं सप्पं संघट्टेति / तए णं से दिट्टिविसे सप्पे तेहिं वणिएहि संघट्टिए समाणे आसुरुत्ते जाव मिसिमिसेमाणे सणियं 2 उठेइ 2 ता सरसरसरस्स वम्मीयस्स सिहरतलं दुरुहइ सि० 2 त्ता आइच्चं णिज्झाइ आ० 2 ता ते वणिए अणिमिसाए दिट्ठीए सव्वओ समंता समभिलोएइ / तए णं ते वणिया तेणं दिदिविसेणं सप्पेणं अणिमिसाए दिट्ठीए सवओ समंता समभिलोइया समाणा खिप्पामेव सभंडमत्तोवगरण. मायाए एनाहच्चं कूडाहच्चं भासरासी कया यावि होत्था। तत्थ णं जे से वणिए तेसि वणियाणं हियकामए जाव हियसुहणिस्सेसकामए से णं अणुकंपियाए देवयाए सभंडमत्तोवगरणमायाए णियगं णयरं साहिए। एवामेव आणंदा ! तववि धम्मायरिएणं धम्मोवएसएणं समजेणं णायपुत्तेणं ओराले परियाए अस्साइए, ओराला कित्तिवण्णसद्दसिलोगा सदेवमणुयासुरे लोए पुष्वंति गुव्वंति थुव्वंति इति खलु समणे भगवं महावीरे इति० 2, तं जइ मे से अज्ज किंचिवि वदइ, तो गं तवेणं तेएणं एगाहच्चं कूडाहच्चं भासरासि करेमि जहा वा वालेणं ते वणिया, तुम च णं आणंदा! सारक्खामि संगोवामि जहा वा से वणिए तेसि वणियाणं हिय. कामए जाव णिस्सेंसकामए अणुकंपियाए देवयाए सभंडमत्तोव० जाव साहिए, तं गच्छ गं तुमं आणंदा ! तव धम्मायरियस्स धम्मोवएसगस्स समणस्स णायपृत्तस्स एयमठ्ठ परिकहेहि / तए णं से आणंदे थेरे गोसालेणं मंखलिपुत्तेणं एवं वुत्ते समाणे भीए जाव संजायभए गोसालस्स मंखलिपुत्तस्स अंतियाओ हालाहलाए कुंभकारीए कुंभकारावणाओ पडिणिक्खमइ 2 त्ता सिग्घं तुरियं सात्थि णरि मज्झमझेणं णिग्गच्छइ २त्ता जेणेव कोट्ठए चेइए जेणेव समणे भगवं महावीरे तेणेव उवागच्छइ 2 ता समणं भगवं महावीरं तिक्खुत्तो आयाहिणं पयाहिणं करेइ 2 ता वंदइ णमंसइ वं० 2 ता एवं वयासी-एवं खल अहं भंते ! छटुक्खमणपारणगंसि तुहिं अब्मणण्णाए समाणे सावत्थीए णयरीए उच्चणीय जाव अडमाणे हालाहलाए कुंभकारीए जाव वीईवयामि,तए णं गोसाले मंखलिपुत्ते ममं हालाहलाए जाव पासित्ता एवं वयासी-एहि ताव आणंदा ! इओएगं महं
