________________ 806 अंग-पविट्ठ सुत्ताणि गरयणे अस्साइए, तं सेयं खलु देवाणुप्पिया! अम्हं इमस्स वम्मीयस्स दोच्चंपि बपि मिदित्तए, अवियाई एत्थ ओरालं सुवण्णरयणं अस्साएस्सामो / तए णं ते वणिया अण्णमण्णस्स अंतियं एयमढें पडिसुर्णेति अ० 2 ता तस्स वम्मीयस्स दोच्चंपि प्पि भिदंति, ते गं तत्थ अच्छं जच्चं तावणिज्ज महत्थं महग्धं महरिहं ओरालं सुवण्णरयणं अस्साएंति, तए णं ते वणिया हद्वतुट्ठा मायणाई भरेंति 2 ता पवहणाइं भरेंति 2 ता तच्चपि अण्णमण्णं एवं वयासी-एवं खलु देवाणुप्पिया ! अम्हे इमस्स वम्मीयस्स पढमाए वप्पाए भिण्णाए ओराले उदगरयणें अस्साइए, दोच्चाए वप्पाए भिण्णाए ओराले सुवण्णरयणे अस्साइए, त सेयं खल देवाणुप्पिया! अम्हं इमस्स वम्मीयस्स तच्चंपि वपि मिदित्तए, अवियाई एत्थं ओरालं मणिरयणं अस्साएस्सामो / तए णं ते वणिया अण्ण. मण्णस्स अंतियं एयमलैं पडिसुणेति अ० 2 ता तस्स वम्मीयस्स तच्चपि वपि भिदंति, ते णं तत्थ विमलं णिम्मलं णित्तलं णिक्कल्लं महत्थं महग्धं महरिहं ओरालं मणिरयणं अस्साएंति, तए णं ते वणिया हट्टतुट्ठा मायणाई भरेंति भा० 2 ता पवहणाई भरेंति 2 ता चउत्थंपि अण्णमण्णं एवं वयासी-एवं खल देवाणुप्पिया ! अम्हे इमस्स वम्मीयस्स पढमाए वप्पाए भिण्णाए ओराले उदगरयणे अस्साइए, दोच्चाए वप्पाए भिण्णाए ओराले सुवण्णरयणे अस्सा. इए, तच्चाए वप्पाए भिण्णाए ओराले मणिरयणे अस्साइए / तं सेयं खलु देवाणुप्पिया ! अम्हं इमस्स वम्मीयस्स चउत्थंपि वप्पि भिदित्तए, अवियाई उत्तमं महग्धं महरिहं ओरालं वइररयणं अस्साएस्सामो / तए गं तेसि वणियाणं एगे वणिए हियकामए सुहकामए पत्थकामए आणुकंपिए णिस्सेयसिए हियसुहणिस्सेसकामए ते वणिए एवं वयासी-एवं खलु देवाणुप्पिया ! अम्हे इमस्स वम्मीयस्स पढमाए वप्पाए भिण्णाए ओराले उदगरयणे जाव तच्चाए वप्पाए भिण्णाए ओराले मणिरयणे अस्साइए, तं होउ अलाहि पज्जत्तं णे एसा चउत्थी वप्पा मा पिज्जउ, चउत्थी णं वप्पा सउवसग्गा यावि होत्था / तए णं ते वणिया तस्स वणियस्स हियकामगस्स सुहकामगस्स जाव हियसुहणिस्सेसकामगस्स एवमाइक्खमाणस्स जाव परूवेमाणस्स एयमलैंणो सहहंति जाव णो रोयंति, एयमठ्ठ असद्दहमाणा जाव अरोएमाणा तस्स वम्मी. यस्स चउत्थंपि वप्पि भिदंति, ते णं तत्थ उग्गविसं चंडविसं घोरविसं महाविसं
