________________ भगवई स. 15 8 05 अत्थगवेसणयाए णाणाविहविउलपणियभंडमायाए सगडीसागडेणं सुबहुं भत्तपाणपत्थनणं गहाय एगं महं अगामियं अणोहियं छिण्णावायं दीहमद्धं अडवि अणुप्पविट्ठा / तए णं तेसि वणियाणं तीसे अगामियाए अणोहियाए छिण्णा. * वायाए दोहमद्धाए अडवीए किचि देसं अणुप्पत्ताणं समाणाणं से पुष्वगहिए उदए अणुपुव्वेणं परिभुंजेमाणे 2 खीणे। तर णं ते वणिया खीणोदगा समाणा तण्हाए परिभवमाणा अण्णमण्णे सद्दावेंति अण्ण० 2 ता एवं वयासी-एवं खलु देवाणु प्पिया ! अम्हं इमोसे अगामियाए जाव अडवीए किचि देसं अणु. प्पत्ताणं समाणाणं से पुव्वगहिए उदए अणुपुवेणं परिभंजेमाणे 2 खीणे, तं सेयं खलु देवाणुप्पिया ! अम्हं इमीसे अगामियाए जाव अडवीए उदगस्स सव्वओ समंता मग्गणगवेसणं करेत्तएत्तिकट्ट अण्णमण्णस्स अंतिए एयमलैं पडिसुणेति अण्ण. २त्ता तीसेणं अगामियाए जाव अडवीए उदगस्स सव्वओ समंता मग्गणगवेसणं करेंति, उदगस्स सव्वओ समंता मग्गणगवेसणं करेमाणा एग महं वणसंडं आसाएंति, किण्हं किण्होभासं जाव णिकुरंबभूयं पासाईयं जाव पडिरूवं, तस्स णं वणसंडस्स बहुमज्झदेसभाए एत्थ णं महेगं वम्मीयं आसाएंति, तस्स गं वम्मीयस्स चत्तारि वप्पुओ अन्भुग्गयाओ अभिणिसढाओ तिरियं सुसंपग्गहियाओ अहे पण्णगद्धरूवाओ पण्णगद्धसंठाणसंठियाओ पासाईयाओ जाव पडिरूवाओ। तए णं ते वणिया हद्वतुट्ट० अण्णमणं सदावेंति अ० 2 ता एवं क्यासी-एवं खलु देवाणुप्पिया! अम्हं इमीसे अगामियाए जाव सव्वओ समंता मग्गणगवेसणं करेमाणेहिं इमे वणसंडे आसाइए किण्हे किण्होभासे० इमस्स गं वणसंडस्स बहुमज्झदेसभाए इमे वम्मीए आसाइए, इमस्स णं वम्मीयस्स चत्तारि वप्पुओ अन्भग्गयाओ जाव पडिरूवाओ, तं सेयं खल देवाणप्पिया ! अम्हं इमस्स वम्मीयस्स पढमं वप्पि भिदित्तए, अवियाई ओरालं उदगरयणं अस्साएस्सामो। तए णं ते वणिया अण्णमण्णस्स अंतियं एयमलैं पडिसुणेति 2 ता तस्स वम्मीयस्स पढमं वपि भिदंति, ते गं तत्थ अच्छं पत्थं जच्चं तणुयं फालियवण्णाभं उरालं उदगरयणं आसाएंति, तए गं ते वणिया हद्वतुवा पाणियं पिबंति 2 ता वाहणाइं पज्जति वा० 2 ता भायणाई भरेंति भा० 2 ता दोच्चपि अण्णमण्णं एवं वयासी-एवं खलु देवा. णुप्पिया ! अम्हेहिं इमस्स वम्मीयस्स पढमाए वप्पाए भिण्णाए ओराले उद
